الناس طلعت

واعيني اللي نومها ماأشبحتله
يومن كل نام للنجم سامرت
والقلب صلفات الطواري عنتله
دكن عليه بهمهن لين كدرت
هواجسن ماجالها غصب جتله
جت في طريقي ماعلى دربهاسرت
تقفي وتقبله على مابغتله
وان جيت ابجمعها تعوم وتشتت
ازريت اميز وين درب اتجهله
دنياي حدتني عن اللي تخيرت
صكت برجلي قيدها واشبكتله
وعلي لفت حبلها لين كتفت
والناس طلعت للقمر ووصلتله
وانا عن اصغر ماتمنيت قصرت
عن مابغيت اطيح ماجيت شتله
ورجعت عنه معيف واقول خيرت
اضحك على نفسي على ماسعتله
واكن حزني في ضلوعي وﻻ‌قلت
وشكيتها للي عباده شكتله
بامره رضيت وماقسملي به امنت

صح السانك يالشاعر الجزل