طاروق من كوكب اخر

طاروق رائع بين ابرهيم الشيخي ومحمد السناني

ابراهيم الشيخي:

سلام تسليمٍ لو ارسلته على السبع البحور...يغوص في قيعانها حتى تذوب أملاحها
غيث السما من عصر يمطر لين زاد النور نور...يهني الهذلان ويبارك لها فافراحها



محمد السناني:

يا مرحبا بمذوّب الآملاح فالبحر الطهور...يمكن محطات الشعيبه مالكٍ مفتاحها
البرق يبرق من عصر وانته مشرف فالحضور...من كلمتك خايف من الغمّه وربك زاحها



ابراهيم:

الله يبارك فيك لا يشغلك مابين السطور...الفكره اللي جبتها من طالبك بإيضاحها
الناس مشغلها هوى الدنيا ومعميها الغرور...سجلتلي عشرين صفحه وكثروا شراحها



محمد السناني:

مشاركه في فكرتك والشعر من نفس الشعور...الكلمه اللي خارج الفصحى عليك افصاحها
مايظهرون الا رجالٍ يستحقون الظهور...لكن انت لو سوّرت محميتك ماحدٍ باحها



ابراهيم:

مايفهم ظروف الحياه الا صديق مايبور...تعلّمه بالمشكله ويساعدك بإصلاحها
اقول لو مافالبشر طبع من طباع الطيور... ماكان لانامت عباد الله تطير ارواحها



محمد السناني:

إن كان لك موقف مع الحيين واللي فالقبور...انسى وسامح لاتزورك فالمنام اشباحها
الشمس تسبح في فلك والآرض من حوله تدور...والناس ماكلفك ممساها ولا مصباحها

ابراهيم:

ماتنذكر غلطه تصد العابرين من العبور...ماغير ابونا فارق الجنه سبب تفاحها
لو كان عندي وقت حليت الخلاف من الجذور...مير المقرّد يمكن انت اللي شحنت سلاحها



محمد السناني:

الآجر من جنس العمل مانته مكلف بالآجور...لكن احسن التوحيد وأعمال البشر بالواحها
اكبر مصيبه لو خلايا المخ يلحقها الضمور...الناس ماتقدر تميّز ضحكها وصياحها

صح السان الشعراء

طاروق راائعه

شكراُ على الطرح

اي والله صح السانهم وصح بدن من نقلهااا

خالص تحياتي