بريـد..وبرق..وإيميلات

السلام عليكم ورحمة الله وبركاته







اقدم لكم هذه البسيطه ،، عسى ان تلقى استحسانكم



.........................................


[align=center]
على ليــل القصيـد وهـاجس الذكرى وقـلب مـــات
************** تـوقـد نـار وجـدانـي وحـبـي ينـهـدم صــــرحـه



بـهّــمٍ عـاود الخـاطـر معـه وش تنـفـع الزفـــرات
************** معـه وش قيـمـه الدنيــا وقـلـبي بالغٍ جـــــرحـه



تفـرد بـي جيـوش الليـل غاراتٍ باثـَـرْ غـــارات
************** ولا من فــكر ينسـاهـم ولامن حـال منصـــلحـه




وكيـف انسـاه وايـامي بـدونـه تشتـعل آهــــات؟
************** ولا لي خِـلْ يسعـدني ...ولادنيــا...ولافـــــرحـه



بصحرى مهجتـي تنبت...وتورق لوعه اللحظات
************** تذكـرني حـبيـب الروح خِـلٍ ياكثــر مــــلـحــه



تجـرعت الزعـاف ببعـدكم يا مُـنـيي جـرعــات
************** وذقـت الموت بفراقـك وهَـمّي طايـلٍ شـــرحـه



رماح عيونك الوسنـى شَـبتني..ورْحَلَت بسكات
**************وشَلّت قـلب مجنونك..وعاش العمر في تـرحــه



أشوف الناس تتواصل بريـد..وبرق..وإيميلات
************** وانا ياحظي العاثر..ولا همــسه...ولا مــزحــه



عليك الله يادنيـا ...تعــذب قلـب صـار رفــات
************** وتنسى اني مَثِـل ذا الناس يطلب عيشةٍ مْرَحــه [/align]

،،،،،،،،،،،


ودمـتـم ..




عبدالعزيز القلادي

صح لسانك وبيض الله وجهك

صح لسانك وقصيدة جميلة

أشوف الناس تتواصل بريـد..وبرق..وإيميلات
************** وانا ياحظي العاثر..ولا همــسه...ولا مــزحــه


قصيدة رائعه من شخص رائع

وابشر اخوي عبدالعزيز غير الاميل وراح تشوف المواصله هههههههههه

اقتباس:
المشاركة الأصلية كتبت بواسطة ابو براك الرياض
صح لسانك وبيض الله وجهك


لا هنت على مرورك


وصح بدنـــــــكـ

صح السانك وعتلاشاانك
قصيده رائعه من شاعر لا يستغرب منه الابدااع