ياليتنا عقب البطا ماالتقينا..........

	عقب البطا لاقيت ظافي الجديلات = ياليتنا عقب البطا ماالتقينا سلمت وقلت لنور عيني سلامات = وش غيًرك ويش السبب ما تبينا دنق وقال ارجوك إنه العلاقات = شيٍ حصل ماعاد هو في يدينا قلت السبب قال الليالي غريبات = إنه العلاقه واعتبرنا انتهينا انا بحبل انسان ماهي دعايات = ارجوك ابعد خايف انًه يجينا طالعت فيه وهلت العين عبرات = في ساعةٍ غصبٍ علينا بكينا حاولت اعبر عن همومٍ خفيات = بس الحكي شيفيد مهما حكينا كتمتهن بالجوف لوهن قويات = راضي على ماصار لو مارضينا وآخر كلامه قال لي كم كلمات = لاتسيء ضنك في غصبٍ علينا ولف العباه وراح وانا بحسرات = فرقاًجرت من غير ذنبٍ جنينا وقفت اخايل غض الأنهاد لحظات = فيهن تهدم كل شيٍ بنينا وقمت اتذكر كل شيٍ لنا فات = قبل ايتغير بالمحبه حدينا ياما سهرنا بأظلم الليل ساعات = وياما طلع نور الفجر مادرينا وياما لنا فوق المراقيب ذكرات = وعلى جبال الزور ياما رقينا وياما تحملنا الصعوبات مرات = وياما على سود الليالي شكينا على زمانٍ فات جريت ونات = لو هن على ضلعان مكه تلينا اقرا الموادع بالقصص والروايات = لاشك ماضنيت بيصير فينا وارجع واكرر كلمةٍ لي بسكات = ياليتنا عقب البطا ماالتقينا

ابياات رائعة وسلمت يد كااااتبها وناااااااقلهااا
ودمت بووووووووووووود

اقتباس:
المشاركة الأصلية كتبت بواسطة تولاي البراك
ابياات رائعة وسلمت يد كااااتبها وناااااااقلهااا
ودمت بووووووووووووود



تولاي مرورك عطر متصفحي وشرفني

أبيات قمة بالروعه والجمال
::
::
بيَض الله وجهك يا وليد على هالأبيات
::
::
الله لا يحرمنا منك ومن جديدك
::
::
تقبل مروري

اقتباس:
المشاركة الأصلية كتبت بواسطة دحيم البراك

أبيات قمة بالروعه والجمال

::
::
بيَض الله وجهك يا وليد على هالأبيات
::
::
الله لا يحرمنا منك ومن جديدك
::
::
تقبل مروري

ووجهك ابيض

مرورك عطر متصفحي وزادني شرف