طاروق الابداع بطاح ابن وساح والعاقل1

في ليله من اجمل الليالي اتى الشاعر بطاح ليطلب الشاعر ابن الجزيره ليتفاجا بالمشرف الشاعر الرائع العاقل1 ليلتقو في طاروقهم الاول والناري الذي جاء بعد احداث لاتخفى على متابعين موقع غازي البراك اليكم الطاروق والعذر والسموحه على التقصير


بطاح ابن وساح

ابن الجزيره تمنيته معي بالمسير = الله يعوض بزيه والبساط احمدي

شعار هالمنتدى ياصحابنا غير غير = في شمس ولابفيه والبساط احمدي

العاقل1

ماكل شي ن تمنى يالبنادم يصير = وايامنا سرمديه والبساط احمدي

شعارنا ياصحيبي صار معهم خشير = لكن مين الضحيه والبساط احمدي


بطاح بن وساح

لاتحسبون البحر ياصحابنا كالغدير = لعبي معاكم هديه والبساط احمدي

هذي ترى فوق راسك بالنهار الكبير = هربت والنار حيه والبساط احمدي

العاقل1

كل ن يعرف الرغى ماهو بمثل الهدير = وانشد رجال الحميه والبساط احمدي

تقولها والرحى من فوق حبك يدير = مابين هذي وذيه والبساط احمدي

بطاح بن وساح

في كابول ايام راحت يالسان البعير = تذوق نارن لضيه والبساط احمدي

لوكان ماغازي بناخيك منته وزير = نفسك معانا شقيه والبساط احمدي

العاقل1

طاوعت اهل كابل وحطوك في زمهرير = يعطونك المنقريه والبساط احمدي

انته عيونك بصيره بس كفك قصير = جدك عطاك العطيه والبساط احمدي

بطاح بن وساح

عزالله انك شبيه الحر لو ماتطير = محكوم بالجاذبيه والبساط احمدي

المشكله بالصغير اللي يداحم كبير = الناس هذي غبيه والبساط احمدي

العاقل1

عزالله انك شبيه الذيب ساقك قصير = راعي ولالك رعيه والبساط احمدي

ان كان ماتقدر تداحم كبير استخير = ولاغلطتك مطبعيه والبساط احمدي

بطاح بن وساح بن وضاح

بالليل الاول نتفت للحيتك والاخير = خلاص صك القضيه والبساط احمدي

انته تبيها على كيفك وهي ماتصير = لكن سلام وتحيه والبساط احمدي

العاقل1

حنا نتفنا رموشك وشنبك من عصير = مير انقذتك الحميه والبساط احمدي

جتني على الكيف يوم صوير ينخى عوير = لكن نومه هنيه والبساط احمدي

الف الف شكر لك اخوي ذيب الفيافي
على التنسيق وتسلم يمينك

صراحه محاوره قويه وتمنيت اني حاضرها
فيها فتل ونقض وتمكن من الشاعرين
ولكن من وجهة نظري الشخصيه ان الشاعر العاقل1 كان اقوى
بالمحاوره .

الله يعطيك العافيه ذيب الفيافي على التنسيق , والحقيقه محاورة قويه بين شاعرين كبيريين

اقتباس:
المشاركة الأصلية كتبت بواسطة هاوي نجد
صراحه محاوره قويه وتمنيت اني حاضرها
فيها فتل ونقض وتمكن من الشاعرين
ولكن من وجهة نظري الشخصيه ان الشاعر العاقل1 كان اقوى
بالمحاوره .

هههههههههه اي اقوى الله يرحم والديك والعاقل اكل من الخوابير لين قال بس ابك الزيدي نصاب كبير مايحرز فيه الاانا انا اوريك فيه

تنسيق رائع ياذيب الفيافي تشكر عليه

محاوره قمه بين الشاعرين كلهم ابدعو الصراحه مع استغرابي من رد الواصل وهاوي نجد اتمنى انهم ينتقدون الابيات ويبتعدون عن الاشخاص

الله يعطيهم العافيه وصراحه محاوره في محل المدح والتقدير وبيض الله وجيهكم