يالي دفنتو جثته ليه تبكون

ياللي دفنتـوا جثـتـه.. لـيـه تبـكـون؟

لـولا الحيـا..لأقـول : معـكـم خـذونـي

منه انحرمت وكنت انا عليه محــــزون

مـا أذكـر لمحتـه .. غيـر مـره بعيونـي


شفتـه ..وكانـت فرحتـي مالهـا لــون

عجزت لأوصف .. من لمحته شجوني

ياليتنـي ..كنـت الكفـن يـوم تمشـون

أبـقـى مـعـه بالـقـبـر ثـــم تدفـنـونـي
أو ليتني .. من خلفكم كنت (مجنون)

أتـبـع خطـاكـم والـعـذر هــو : جنـونـي

أبكي وراكم .. وأدعي ان كـان تدعـون

مـا يكفـي انـه عـاش عمـره بدونـي؟؟

تكفـون < هاكـم عمـري اليـوم تكفـون

بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون

ولا فادني دمعي و حرق لي جفوني

ياليتنـي.. ماعشـت لحـظـه بهالـكـون

و ياليت ربعي .. في سكات اذبحوني

وياليتكـم .. عـن همّـي اليـوم تــدرون

منه انحرمت > ومن عزاه .. احرموني

حتى بوفاته !! يـوم أنـا طحـت مطعـون

أخفيت طعناتـي .. قبـل يفضحونـي

بكـيـت!! لـكـن .. ماتظـاهـرت بالـهـون

أبكي وأقول : الموت سبة طعوني

و إن كان في حبّي
أنا ..ماتحسّون ..؟!


دلوني لقبره .. وهناك .. اتركونـي..!!

ابياات راااأئعه مشكووور

مبدع ابو عزيز وتسلم يمينك ع النقل..

يعطيك العافيه بوعزيز

صح لسانك يابو عزيز قصيده رائعه

صح السانك والسان شاعره

اخواني الغالين
فيصل المدوس
ابو سلطان
وليد البراك\
ثويمر العجوني
اختي الغاليه عزه البراك

تشرفت بردكم الطيب
وبااارك الله فيكم
حفظكم الله ورعااكم

قصيدة تقطع القلب مايحس فيها الاالمبتلي
مشكوور اخوي بوعزيز والله يردك بسلامة
ودمت في امااان الله ورعااايتة

صح بدنج يا اختي الغاليه تولاي البراك
عسى ربي لايوريج مكروه بغالي
والله يسلمج من عذااب الناار والله يرحم والدينج

الله يعطيك الف عافيه على هذا الطرح الرايع