~~((( انـتـهـيـــــنا )))~~

مدخل /

فمان الله قالتها بلا عـذر وبـدون اسبـاب

ولاتسئل عن احوالي ولا عن سبـة الفرقـا

تبلمت وسكت ورحت انا مقفي بدون عتاب

ولابينت له جرحي وروحي وسطهـا حرقـا

تظاهرت بشموخي له وانا في داخلي منصاب

وانا في لحظة فراقه عيوني بدمعهـا غرقـا

((( انتهينا )))

لو سألتي عن سبب طعنات قلبي مع شقايـه

كان وضحت الجواب وقلت لك باسبابك انتـي

ولو سألتي عن طعونك كم عددها في حشايـه

كان قلت الك الطعون اكثار .. زادت يوم منتي

ولو سألتي عن رياح الشوق والغيم بسمايـه

كان بينًت الجواب وكان واضح لـو فطنتـي

لو سألتي عن جنون العشق وفصول الروايه

كان قلت الك الراويه يوم باعماقـي سكنتـي

لو سألتي لحظة الغزو الجنوني فـي البدايـه

كيف كانت والحصون اللي دمرتي واستهنتي

واحتلال الخافق اللي صار حبـك بـه ولايـه

من ولايات الخيال اللي بها عشقـي رهنتـي

واستبحتي قلب عاشق واحتفلتـي بالجنايـه

والجنايه في خفوقي ليـه خفاقـي سجنتـي؟

ولو سألتي عن جمالك ؟ قلت لك طاغي وآيه

خالقك سبحانه اللي صـورك حتـى فتنتـي

لو سألتي بلسم الجرح العطيب وعـن دوايـه

قلت وصلك هو دواء كل الجروح اللي طعنتي

لكن انك تسأليني عن تفاصيل ونهايه ! ! !؟

والفشل واحساسه اللي داخلك حتـى ظننتـي

الظنون آثام !! وانتي دائمـآ ظنـك خطايـه

وانتي .. انتي تعرفين الخافق اللي به مكنتي

والله انـه ماتسـاوي مـدة يدينـك عطايـه

كلما مديـت كفـي واعتلـى مـدي طمنتـي

انتهينا ..! وانتهى الفصل الاخير من الحكايه

وانجلى زيف المشاعر والهوى بيدك دفنتـي

مخرج /

رجعنا مثل ماكنا مـن الاول كمـا الاغـراب

واللي في خاطره كلمه كتمها لو تبـي ترقـا

دقيقة صمت عشناها على روح الهوى الغلاب

على جانب نهر حزن الوداع ونظرة ٍ سرقـا

وسلامتكم ..

وانا في لحظة فراقه عيوني بدمعهـا غرقـا



صح لسانك اخوي فهد البراك

سجل اعجابي بكلماتك الرائعة

والله يسعد ايامك

مشكور يافهد البراك على هذا الموضوع الرايعه والجميل

صح السانك واعتلا شاانك يافهد


مبدع دائم بكل شي يافهد

ام ساره ووليد البراك وعوض البراك

نورتو موضوعي بطلتكم الرائع والمشرقة..

تحيتي لكم ودمتم لي بود.

أسجل اعجاإابي بكلماإاإتك الرائعة

ودمت بصحة