ادري كثرتها عليكم
بس هالمنتدى راعيه عزيز
ومن رجال نقدرها ونحترمها
بني عبس ونعم والله
وانا اخوكم الصغير
تحملوني هههههه
وان انشـــــــــــــــــــــــــــــــــــــــاللـــــ ــــــــــــــــــه تعجبكم هالقصيده
تدري وش اللي غثني فيك وانهيت\\\\\\ معك العلاقه وانتهت وانتهينا
انك اليا رحتي تقولي اذا جــــيت\\\\ كنك تغصب اقدام رجلك تجينا
قصدك تقول افهم لو انك تحريت\\\\ ماناظر الساعه ولاتحترينا
احس لا قلتي اذا به تحديت\\\\\ صلابتي ولا انكـسارت حدينا
لالا تمني جيتك كل ماقفيت\\\ الله ولا منة مجيك علينا
بفتح لك الموضوع وابدع لك البيت\\ وشرح على وشهو حبيبي ربينا
اخلص مع المخلص بامانه ولبيت \\\\\ نداه لو فوق المصاعب مشينا
اهم حاجه لا زهم ماترخيت\\\\\ مير بضحى ممشاي ولا سرينا
وطوف الزله وعنها تغاضيت\\\\\ لا جات من طيب تقل مادرينا
نجود بالموجود مانكره الصيت\\\\\ ولا قول يالمعروف منك اكتفينا
كثير منهو حي فى سيرته ميت \\\ وكم ميت ابسيرته ماحيينا
يعني على الواجب حبيبي تربيت \\\\\ واغلى مبادي الناس فيه نشينا
برجع لموضوعي ومن دون تشتيت\\\\ لا كن اذا منها صراحه عنيينا
ابغاك تفهمني اليامنك ابطيت\\\\ يعني تعرف الحب وتحس فينا
وان كان لك نيه ورغبه وكنيت\\\ عن قولها قله وفيها رضينا
ماقول لا رحتي حسافه وياليت \\\\ مع السلامه لانسيتي نسينا
وسلامتكم
بقم اخوكم
عناد الميموني
حاصل على ترخيص من وزارة الثقافه والاعلام السعودي
ماناظر الساعه ولا تحترينا
العرض المتطور
