لتغمس كلام العسل بالسم
لتغمس كلام العسل بالسم
_______________
عباس طريم / اريزونا
_
لتغمس كلام العسل بالسم
ولا تخلط كلام الهزل
بالجد
+
ولا تفعل فعل واتعود تندم
ولا تأمر ابشي اوتعمل
الضد
+
واضح صير .. في دنياك تسلم
والواضح ابكل مجتمع
يحمد
+
وكلامك .. كبل لا يخرج من الفم
تاكد من رصاصه خاف
يرتد
+
حذاري اتكله وسط المجتمع .. كم
اخوك .. اللي يجي ويمد الك
يد
+
والكاصد البيتك .. يجي ايسلم
حرام اتقابله بالجفه
وبالصد
+
اعرف مقدمك .. من حيث تقدم
حرام اتصير بين الجزر
والمد
+
واخوك .. التربطك بي رابطة دم
كيف ايصير الك .. واتصير اله
ند
+
لتشد بالحبل كل وكت .. تنذم
وارخيله الحبل.. لو صاحبك
شد
+
اعمل طيب , يا صاحب .. تعلم
لان الطيب مثل النهر
يمتد
+
جرب صاحبك .. ما راح تندم
وشوفه انجان صاحب طيب
ينعد
+
ابني .. ولا يغرك فرد يهدم
لانك بالبناء .. اتقدم
الرد
+
اترك للقا .. فتحات للشم
لتخلي الطرق للصلح
تنسد
+
لا تكصد ردي ان صادفك غم
واكصد من تراه بالضيج
منجد
+
ابعد عن كلام الشين , اسلم
حتى الناس الك بالزين
تشهد
+
ون مر فيك كال وكيل , اكتم
الوشاية نار واصحاب العكل
صد
+
وضيفك من يجي ..لا تجعل الهم
على ملكاك اله .. بالكدر
يشهد
+
كرام الكوم عدها الضيف , اعظم
من الدنيا .. لهذا اتكون
مكصد
+
تحزم بالكرم .. لو ردت مغنم
الكريم ايحكله بين الكوم
يعتد
+
الكرم مذكور بالتاريخ منجم
الحواه امن السعيد ..ايصير
اسعد
+
اذا تنخه الكريم .. ايكول : تكرم
وعين ايصير الك.. ويصير الك
خد
+
واحذر من بخيل الطبع .. يا عم
تراه بالضيج , والكلفات
يرتد
+
الواحد عله الثاني .. عيب يرهم
البخل, والكرم .. ما بيناتهن
سد
+
فرق ما بين اليفرق .. واليلم
مثل الفرق بين الحقد
والود
+
ارحم كالت الامثال .. ترحم
وانجد بالعسر والضيج
تنجد
+
عباس طريم / اريزونا
حاصل على ترخيص من وزارة الثقافه والاعلام السعودي
لتغمس كلام العسل بالسم ... ولا تخلط كلام الهزل بالجد
العرض المتطور
