شمس عبس

اخواني اخواتي اعضاء وزوار هذا الصرح الشامخ
السلام عليكم ورحمه الله وبركاته.
اعرض على ذائقتكم هاذي القصيدة التي تشرفت بالقاها
امام سعادة أمين منظمة عبس العالمية
المهندس مبارك بن فهد الدويلة
في حفل الشيخ منصور ابن قنور
امل ان تحوز على رضاكم ....



[poem=font="arial,6,black,normal,normal" bkcolor="transparent" bkimage="" border="solid,7,darkred" type=2 line=0 align=center use=ex num="0,black""]


بغيت أسوي بك قصيدة يـا مبـارك وأبتديـت=وضاعت علوم الشعر والطرقة عجـزت أدلهـا
رغم أني أعرف كيف أعسف الشعر لامني نويت=أهجـم عليهـم وأستبيـح أشعارهـم وحتلهـا
ولا حسبت حساب للشعـار لكـن مـا شنيـت=واثق بشعري والبحـور المظلمـة ضـار لهـا
أدخـل بغبتهـا وخليهـا وراي ليـا أرتويـت=والغابـة أدخلهـا وقلـد مهرتـي مـن فلـهـا
لكن هالمـرة صراحـة لا عجـزت ولا قويـت=بس الوكاد أشياء بنفسي مـا قـدرت أوصلهـا
أجيب عشر أبيات لكن ما تساوي نـص بيـت=تدري لماذا ؟ لأنـك أكبـر مـن بيوتـي كلهـا
ياللي على رأس الهرم جيت وتحريـت وبقيـت=كل القبايل تدري أنـك شمـس عبـس وظلهـا
وحنا قبل يدرون نـدري كيـف للعليـا رقيـت=وأخذتها بكـف عسـى رب المـلا مـا يشلهـا
ما أخذتها بقلط تفضـل سيـدي شلـي بغيـت=ولا جتك عن طرق الهنوف اللي تباهـا بدلهـا
خذيتها من عبس يوم أنك لها أسسـت وبنيـت=وجتك الزعامة يا زعيم القوم وأنت أهـل لهـا
يا محنـك التكفيـر والتعبيـر لامنـك حكيـت=نحـس فـي شيـن يـهـز القلوبناويملـهـا
الله وكيلـك لـو تنادينـا نجيـلـك كمبلـيـت=اللـي تعـز نعزهـا والـلـي تــذل نذلـهـا
وأسمح لي أسميك أبو كفيـن دامنـي رويـت=والكلمة الزينـة تزيـن أن قلتهـا فـي حلهـا
كـفً كريـمً والكريـم الله ليـا منـك عطيـت=تروي عطش شهب الكبـود اليابسـه وتبلهـا
والكف الآخر مثل ضلع طويق لا منـك قسيـت=قلعة شموخ وعز لو جـار الزمـن مـا يهلهـا
وختامها يا شيـخ عبـس بنجـد ولا بالكويـت=أقبـل تحيـة شاعـرً سـود النوايـا يعلـهـا
أقولها بصوتً قوي رضيـت ولا مـا رضيـت=جتك الزعامة يا زعيم القوم وأنـت أهـلً لهـا
وضاع أول الطاروق لكن يـوم دورتـه لقيـت=بس الوكاد أشياء بنفسي مـا قـدرت أوصلهـا [/poem]