ليثن ولد ليثن عريب المناسيب

قم يا عبيد يا سلايل هـل الطيـب ياذخر راسي جعل عمرك يدومـي

لنا على الطيب حقـوق ومواجيـب والا الردي تقصر عليـه العلومـي

اخذ الكتاب وكب عنـك المناديـب يا شوق من يزهـاه دق الوشومـي

وحذراك تاقف دون بيت المعازيب منصاك نجم(ن)ماغطته النجومـي

منصاك بيت(ن) ساسه العز والطيب بيت الاماره والفخـر والزعومـي

منصاك بيت معرب الجـد تعريـب لبن شـرار الصيرمـي العزومـي

ليثن ولد ليثن عريـب المناسيـب نسل الزعامه والرجـال القرومـي

(الناس من دونه نجوم ومشاهيـب واليا بدت شمسه تغيب النجومـي)

واخذ التحيه مع سـلام وتراحيـب ترحيبتن تمـلا السـل والحزومـي

ترحيبتن يصاحبها الفكـر ويغيـب يزهابها شيخـن قـوي العزومـي

ورتبله الموضوع بالشرح ترتيـب قله ترى وضعي عليـه محسومـي

قله (حمد) دارت عليـه الدواليـب دكـت بقلبـه كايـدات الهمومـي

همن غداله مـن كبـار العواقيـب وغارات بقعا كل يومـن ترومـي

ما يهتني لا في طعـام ومشاريـب بانت عليـه امـن اليالـي ثلومـي

بين الرجا والياس والشك والريـب لا طاب مجلاسي ولا طاب نومـي

وننصاك ياشوق البنـي الرعابيـ ب ماشاقنا فزعت عيـال الرخومـي

ولنا على شرواه حـق ومطاليـب سعا معـي لعـل حظـه يقومـي

له ماقفن يشف القلـوب المعاطيـب اسمه يطوح عاليـات الرجومـي

((واليا قضيت الهرج قله ترى عيب رجع وحنا ماقضينـا اللزومـي))

هذة القصيدة من اجزل قصايد الشاعر حمد بن قطيم منقول ولكم تحياتي

مشكوووووووووووور على النقل الرئع

اخون \ فلاح الرشيدي

مشكوووووووووووور على النقل الرئع

اخوي\ فلاح الرشيدي

رامي , ابو عبيد
مشكورين على المرو العطر والرد العذب