يا حلو وجهي في عيوني وأنا شين=ويا حلو ما اسوي وأنا شين كلي
العين ما تعلى على حاجب العين=يا اللي ذبحك من الغرور التغلي
من زود مابك قلت ما مثلك اثنين=يلعب غرورك فيك وأنت متعلي
كنت احسب إنك راس مال ومعاوين=لقيتك أول واحدن قد حبلي
لاتحسب أنك ساس روس السلاطين=وأنا معك ما أغير ارحب وأهلي
في برجك العاجي وحلم المجانين=تشبك خطاء والا تفك وتحلي
نسيت بأنك طين ترجع على الطين=وأنك من الدنيا لزوم ن مولي
بكرة تشوف في يوم وضع الموازين=من هو على وجهه يجر ويتلي
وفي وقتها ما ينفعك زين يا زين=ولا ينفعك وجه الحلا والتحلي
ما ينفع الا الدين واعلم ترى الدين=نور الوجيه اللي تصوم وتصلي
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
يا حلو وجهي : جديدي لكم
العرض العادي
