غيري ينام ومهتني في منامـه =وأنا لذيذ النـوم مـازار عينـي
سهرانةٍ والليل مُوحش ظلامـه = يجمع لي أحزاني ويدعي ونينـي
ولّيت ياليـل الأسـىآ والندامـه= همّـكـ توَطانـي وبيّـح كنينـي
أبغىآ السلامه بس وين السلامـه = عيني تشوف وقاصراتٍ يدينـي
غيّب ضناي وغابت الإبتسامـه =. حُكم المقدّر حال بينـه وبينـي
سجين ماأشوفه ولا أسمع كلامه =ماغير طيفه كل لحظـه يجينـي
والسجن في الغربه يهز الكرامه = ياحرّ كبدي بعد فرقـىآ ضنينـي
وين أنت ياللي تستحق الزعامه = يافزعة المضهود نعم العوينـي
ياخادم البيتيـن فخـر الإمامـه = حبل الرجا ممدود بينـك وبينـي
أجبر كسر قلبي وحقق مرامـه = أفزع فديتك تكسب الأجر فينـي
تكفىآ ياأبو متعب مقرّ الشهامـه = الحيل واهن والزمـن مبتلينـي
قلبي ورا قضبان سجن المنامـه = ردّه عليّ تزيـن باقـي سنيني
******** type="text/**********">doPoem(0)***********
وسلامتكم ,,