ياوجودي كل ما هب نسناس الشمال
وجد من حده زمانه على إللى مايبيه
وياوجودي كل ماضحت ثمال الظلال
لاغفت عيني ولاذقت شي مشتهيه
وجد من جفا وهو في رجا كلمة تعال
التفت من عقب ما جفا ولا أحد لد فيه
ياعذابي لادنى الليل من روس الجبال
وإنتهى يوم من العمر ما عاد أرتجيه
وإنتي أبعد من سما الحلم وإوصالج محال
يابعد من هل دمعي ضحى الفرقاعليه
ياغناتي لاتحسبين دمعي اليوم سال
ضعف وإلاخوف وإلا جذا وإلاجذيه
والله إني من رجالن يضدون الرجال
لاكن الحظ الردي ساق دمعي وكل مابيه
والله إني كل مادار حوليك الجدال
قمت كن الموت يأشر على قلب قبري بديه
والله إنقدلي وانا أصد لا جالك مجال
صدت ألي لا تضايق تذكر قبر أبيه
ومن سألني قلت مدري وإذا عاد السؤال
قلت له تكفى ترى سؤالك ماهو وجيه
وشتبيني أقول عن من ترى ذبحي حلال
والخطا منها عليا صرت أحبه
وأهتويه عذرها لوما تعذر مثل وإضرب مثال
واحد ما يعرف الحر الأشقر يشويه
وإن رجعنا للتواصيف لله الكمال
لا إنتهى ليل المزايين جاتك تبتديه
كلها غفل مع البدو طاويه الحيال
مايميز وصفه إلانبيهن من نبي نبيه
واهنيه من وصلها وذاق إمن الزلال
رشفه مع غفلة الناس من فيها إبفيه
وعزتي للي سواتي عشق مالا يطال
ويوم طاله ضيع الحلم بين أمه وأبيه
ياأول أحلام الطفوله على حد الخيال
الرجا بالي حمل بيت من حملت بريه
حال دونك سيف عنتر وتاس بحول بحال
بأثر حولن حال دونك وأنا أدعي هيه هيه
هيه يالي غرك الحسن وأطغاك الجمال
والله إني أموت ما شفت لأ وصافك شبيه
لويسام الحسن بالتيه بجنيه وريال
مابقى في سوق غيرك إريال ولاجنيه
كيف أهدك للمقادير وإنتي راس المال
راس مال ومال المال مايعطى السفيه
حافظك حفظي لعيني ورمشي لك إجلال
وإنتي إتشحين بالماء وأنا شفي إمويه
شايفن ظلمك وساكت وطال الليل طال
لاتركتي طعن قلبي وأنا ما قلت ليه
لو بقى للهيل صبرن على فوح الدلال
مابقى للقلب صبرن على شي يجيه
كنت أحسب إن الغلا زال وأثره لايزال
في الحشا ماكنه إلادخيلن فالوجيه
ساقني حبك على الموت وسنيني هزال
والظروف أقسى من الظلم للعرض النزيه
وأنتي أتسوقين عقلي على حد الإهبال
تحسبين إن بغا شي يقدر يشتريه
وإلا أنا يا وجد حالي إبوجودن ما يقال
وجد من ضحى بغاليه يرضي والديه
ويا وجودي ياأول العمر قبل ألبس إعقال
وجد من باع آخر العمر يارغبة ذويه
وياوجودي كل ما هب صوتك من شمال
وجدمن حده زمانه على اللى ما يبيه
المبدع / ضيدان بن قضعان
حاصل على ترخيص من وزارة الثقافه والاعلام السعودي
قيــــــــــــــــصر الــــــــــقصـــــــــــيـــــــــــــــد
العرض العادي
