هذه القصيدة قالها الشاعر خلف الرمالي الشمري
موجهه إلى الشيخ / ناصر بن سحاب البراك الرشيدي
سلام ياللي يسعد القلب لقياك= يالشهم كساب الثناء والنفيله
بنفحة شذى العنبر لشخصك وشرواك =مبدا السلام ونفحته من اكليله
ناصر يابن سحاب من نسل براك= شيخ الرجال ومن نوادر قبيله
حلو النباء لاقبلت سمح ٍ محياك= مايشلحف وجهه قدم من يجيله
خذيت عن سحاب مكارم بحسناك= لاسما هدف وازكى الفعال الفضيله
شمت بشموخ ياذرى من تنصاك =يالهيلع النادر بوقته وجيله
وفعلت فعل ٍ يابيض الوجه يزهاك =بابرزصفات ٍ والمواقف جليله
يالنمر يالضرغام ماديس بحماك= يالسيف الابتر عز من تعتزيله
ياشيخ لك عادات تفعل بيمناك =وتافي اليا بارالعميل بعميله
يامسقي الضميان بحفان لاجاك =مروى الكبود اللي كوتها المليله
فهيم ولعسرات المغاليق فكاك =تحل صعب المعضلات الثقيله
تعطي لغال المال جزل ٍ عطاياك= ريف الضعافي بالسنين السحيله
مكارم الاخلاق هاذي مزاياك = والكل من بذره عرف وش حصيله
ناصر عسى المولى يحرسك =وياقاك ويكفيك من عسر اليالي وميله
ويجزاك يارع الحساني بحسناك = باجر ٍ جزيل ٍ والمثوبه جزيله
يالله لاتقطع رجاء من ترجاك = نرجيك يامولج نهاره بليله
نسأ لك موجب رحمتك ونتحراك= ترفع قدر ناصر وتكرم نزيله
يابوبدر بمسك يميني بيمناك =ماجحد ثناء شخصك ولانسى جميله
عسى الردي ياطيب الفال يفداك =لاصار مابه فزعة ٍ ينعنيله
وصلوا عدد مناح ورق ٍ على الراك= على رسول الله بحسن وسيله
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
قصيدة خلف الرمالي بالشيخ ناصر البراك
العرض الشجري