حضرة جناب الـ ...

بسم الله ابدى وابدع القاف والقيل
~~~ ومن راس فكرن ما خذا منكم الشور
حضرة جناب الرمح والسيف والخيل
~~~ وحضرة جناب الحي والدرب والسور
وحضرة جناب البن و العود و الهيل
~~~ وحضرة جناب النصر والشعر مكسور
وش غـيّـر الطرقا من "العدل" للميل
~~~ بنت القصيداللي به احساس وشْعور
وحضرة جناب الشيخ راس المشاكيل
~~~ وحضرة جناب القوم راجل و غندور
وحضرة جناب صقورنا طير ابابيل
~~~ وحضرة جناب جنودنا الأُسد ونمور
وحضرة جناب الباس بين الرياجيل
~~~ وحضرة دوا نفسٍ ابت تسمع الشور
وحضرة جناب موصّل العلم توصيل
~~~ ابلغ بها الدنـيا ؛ تـرى الضد مثبور
وقل للعدو قل له غطا سيلك السيل
~~~ وهبّـت رياح الشرق و الركن مبـرور
وشعت لنا شمس "الأمل" بالتهاليل
~~~ للي على الـدنيـا ، ومن كـان مقـبور
وحضرة جناب الباد ونياقه الحيل
~~~ وحضرة جناب الحاضرة منبع النور
ياهل الصخا قبل السنين المقابيل
~~~ وتاريخكم فوق احرف الغير مسـطور
وحضرة جناب الليل في طلعة سهيل
~~~ وحضرة جناب الصبح مع شقة النور
وحضرة جناب العطر والكحل والميل
~~~ وحضرة جناب الثـغر واللـول منـثور
وحضرة جناب ام الرموش المظاليل
~~~ وحضرة جناب عيونها النعّس الحور
نرقد و يجفى اعيونها النوم بالليل
~~~ من شان ترقد يا "صغيري" ومسرور!
وحضرة جناب البحر الاحمر مع النيل
~~~ وحضرة جناب اليـوم واسبوع وشهور
وحضرة جناب الدرس للجيل والجيل
~~~ وحضرة جناب "الطب" دكتور؛ دكتور
كـثـرت عـلـى نجـمة سمانا البهـاليل
~~~ ومن هذه اللحظة! .... إلى وعد بلفور!
وصرنا مثل شعب الأسى والبهاذيل
~~~ وامسى "ربيع الغرب والموت" خابور
:
جريح الغربة الشمري