مارحت لامريكا ولارحت للروس للشاعر لافي الرشيدي

السلام عليكم ورحمة الله وبركاته
اخواني واخواتي اعضاء موقع الجميع والزوار الكرام
ارسلي الشاعر لافي بن محمد الرشيدي هذه القصيده
وطلب مني نشرها بالموقع

[poem=font="simplified arabic,7,black,bold,normal" bkcolor="transparent" bkimage="" border="groove,8,indigo" type=2 line=0 align=center use=ex num="0,black""]

يالله تبعد كل همن وهاجوس =يالله طلبتك لاتخيب رجايه
اخذت بالدنيا تجاريب ودروس =واظن درس اليوم هذا كفايه
الدرس له منهج وللعلم قاموس =والعلم للمسلم طريق ا لهدايه
مارحت لامريكا ولارحت للروس =وانا بنفسي عارفن مستوايه
فكرت بالدنيا تقل دايرة قوس =نهايته بالصفر مثل البدايه
لاتتعب الاقدام وتجمع٠ فلوس =ما ينفعنك لادنت للنهايه
ولاتقول حضك يافتى الجود منحوس =هذا غلط راجع دليل الروايه
تفرح بشي وياتي الصبح معكوس =وتكره لشين جاب لك كل غايه
الله عطاك اعظام واحساس وضروس =والله خلق جفنك لعينك حمايه
والحب داير عام يبدا به السوس =لوتعتني به ماتفيد العنايه
والله خلق بناس صاحي وهلبوس =وكل بعقله بانين له بنايه
وعرفت انا الجزار من قبضة الموس =وعرفت انا الرماي قبل الرمايه
مير اطلب اللي خالق الكون ونفوس =يدخلني الجنه وهذا منايه [/poem]


/لافي محمد الرشيدي