الشاعر / عويمر المطيري يمدح قبيلة حرب

قصيدة للشاعر / عويمر بن حبش المطيري بمدح سلمان المحياء الغيداني الحربي وقبيلة حرب
وابو فهد شاعر غني التعريف وتربطني به علافه اخوية قوية وطلب تنزيل هذه القصيدة مني
بمواقع الانترنت التي للرجال و للشعر بها مكانه وقبيلة حرب تستاهل ولاهو غريب عليها الطيب

انا كل ماتطري عليه مكارم حرب=اقول انهم بالطيب دايم كبار بخوت
لوالمرجله غبت بحر يشربونه شرب=وان الطيب في هاماتهم والكرم منحوت
لانخيت واحدهم فقع مايشوف الدرب=على الطيبه يسبق ندب سابقات الصوت
وغير الشجاعه والكرم والكلام الذرب=تفوت المراجل المراجل بس عنهم وشلون تفوت
ونعم بهم مليون واضرب وشوف الظرب=في مليون ثاني في بحر جودهم مزتوت
بدالي لزوم ولاحسبت الصله والقرب=ابي فزعت اللي لاذكرته ماهو مشموت
ماهو واحدٍ هرجه حلو والمناكب جرب=لامنك كربته ضلعه اضعف من البسكوت
وذكرت ابو مازن من اربوعن تفك الدرب=والله مايرده عن لزومي ياكود الموت
[سلمان المحيا واحدٍ من قبيلة حرب=وشات الهموم اللي على القلب عني شوت
قال القافله تمشي وحنا محنا غرب=حنا يالمطيري ماتسند على المبهوت
دايم عندنا طيب وطناخه ونخوت عرب=امبرمج بوسط الروس كنه على ريموت
ونهج صوب ربعن يكربون اللوازم كرب=كن الميم قبل النون يوم انتخو مفلوت
من المشكله غديت كني بحالة حرب=اشوف الفضاء في عيني اضيق من التابوت
وترصد لها عبدالعزيز سربها سرب=ولبس المرجله ذخر الغيادين لبس بشوت
يقولون له دكتور واقول قايد سرب=لامنه هرج كن الرياجيل معه اسكوت
شلعها الحديريشلع حرٍ شلع له خرب=شلعها بمخلابه قبل مايفوت الفوت
فهد والردي عليه ماهو بلاقي درب=بيت المرجله ماينقلب عش عنكابوت
ولا فيهم اللي يوم جيته ماباله طرب=مايزنت زنيت اللي بحد الحدب مزنوت
وعددمن مشى بالارض من شرقها للغرب=تحية وفاء ياحرب مني عليها ثبوت

******** type="text/**********">doPoem(0)***********

الشاعر / عويمر بن حبش المطيري