قصه و قصيده للشاعرخلف ابو زويد الرخيص الشمري

السلام عليكم ورحمة الله وبركاته

هذه قصيدة لها قصه
فهي تتكلم عن واقع ما نحن فيه اليوم.
نعم كنه علم بما سيكون بهذا الزمان .
والقصه انه كان ابو زويد جالساً عند رفيقه
( عياده بن محمد العبيكه الشمري امير قنا )
ذلك الكريم المشهور رحمهم الله
وقد لأحظ عياده على ابو زويد بانه في حاله من الهم او ( الضيقه )
فسأله عما به فرد ابو زويد بانه ليس به شي فظن عياده
ان مابه هو شي من العماس على القهوة
فقال عياده هذا البيت

قم سو ياراع المعاميل فنجال=كثر بهار الهيل يغدي عماسه

فلما سمع ابو زويد هذا البيت قال لرفيقه
هذا البيت لمن ؟ فقال عياده هذا لي ! وقلته الآن0
فقال ابو زويد طلبتك إياه فقد اعجبني هذا الطاروق وانا صدري يجوش
بما مافيه من هموم
فقال عياده تستاهله وتراه لك
فقال ابو زويد هذه الابيات

قالوا تسير قلت مامن فضـى بـال=وقتٍ على الاجواد مابـه وناسـه


قم سو يـاراع المعاميـل فنجـال=كثر بهار الهيـل يغـدي عماسـه


هذا زمـانٍ مقبـلٍ منـه انـا ذال=ناسٍ كلت ناسٍ بخبـث ونجاسـه


قامت بصاع المنكر النـاس تكتـال=ودلت تبـاع الجوهـرة بالنحاسـه


واشوف انا الأسُـوْد خشـع وذلال=وقتٍ به الحصني بـدور الفراسـه


وراع الجحش شرهٍ على جدع خيال=متحيـزمٍ فوقـه بـدرعٍ وطاسـه


ولباسة الجوخ الحمر وادهم الشال=صارت تغولهـم عيـال البساسـه


ما ينتعدل شيل بقعـاء ليـا مـال=ومنين مـا عدلتهـا مـا تواسـه


يارعي الخصرين والطوق وهـلال=اللـي شفاتينـه سـواة اللعاسـه


اصبر وعند الله تصاريف الاحـوال=والقصر مرجاعه على بني ساسـه

الظااااافر