الشعر فوق الراس والجسم فتان

بعز نفسي يا مهانات الازمان
كم ليلة(ن)هنا لعين الجميله

عذرى وابوها شيخ من راس عربان
تغري قبايل مثل عاطش وغيله

قامت تغني من مواجيع الالحان
وتلوح بفراق الخليل وخليله

الشعر فوق الرآس والجسم فتان
ويالله انا عبدك وجايك دخيله

اشفت غليلي يوم زادت بي اشجان
ونسيت كل الهم في نص ليله

الين جتني ترمش العين باجفان
واقبلت مثل اللي عزومه قليله

قالت علامك قلت صايبني احزان
واصبحت مثل اللي يلاعب بذيله

قالت تغلا قالت عاشق وولهان
اعشق بنوت العز واهل الاصيله

طالت تلد العين والقلب طربان
مرات يصبح فوق وتحت المقيله

وانا عيوني صفر بندر مثل خان
مزيون كل الناس تعشق زميله

قالت تقلع قلت انا اخوش انسان
طالبش لاتجفين عينن ذليله

واقفت تشاور قلت كل العرب فان
واغويتها مثل الصبي وسط جيله

والراس بين الصفر والعقل نيشان
كلن على مبداه يغزي قبيله

فارقتها والدمع اشكال والوان
ياليتها كل العمر ياطويله

العنش من فرقاش والعنه شيطان
يلي غزيتي قلب مغبون حيله

لولي عقل وافكار دارت بالاذهان
مجيت وادي يغرق الناس سيله

اطيح واقف بس ماني بسكران
لكن عيله جات في قلب عيله

واليوم كني ضايع بشب نيران
يوم المكايل كل كيل(ن)بكيله

يالله تغفر لي لما حان ماحان
واتنيلت بعض العرب وسط نيله