أنا محتاجتك (تكفـى) وهالتكفـى تبكينـي
أمانه قبل ما ترحل : تذكر وش عهدنا ( كـان )
تذكّـر نظرتـي لمّـا طلبـتـك ماتخليـنـي !
قسم وضعي بدونك صعب ما يتحمل الهجـران
أنا محتاجتك (تكفـى) وهالتكفـى تبكينـي !
ترى صعبه على مثلي : جفاك واصعب الحقران !!
اذا انـك نـاوي الفرقـا تعـال ولا تعدّيـنـي
عمر قلبي أبد ماهزته جفـوه مـن أي انسـان
لأني من عرفت الناس وكـل النـاس باغينـي
أنا مالي على رسم القدر حيله ولا عصيان
تركته جيت زابنتك ابي منّك : تراعيني !!!
أمانه ارحم : عزيزٍ طاح في قاع النوى له شان
كما قالوا : عزيز القوم يُرحم يانظر عيني
كسر ظهر الغلا طاري البعاد ولجّه الحرمان
على ريــح الجواب اللي [ يموتني ويحييني ]
(لـكـن !! )
مدام الصمت في مسرح عيونك يشرح الخذلان
أجل بطلب ومن حقي قبل فرقاك تعطيني !
قدم ما تبتعد سمم عروقـي واخنـق الشريـان
حرام اصلا تشم الحب مـن عقبـك شرايينـي
حاصل على ترخيص من وزارة الثقافه والاعلام السعودي
أنا محتاجتك (تكفـى) وهالتكفـى تبكينـي !
العرض العادي
