اقرب يابطاح تراني اشوفك تدوج

كما في العنوان تعال ياليماني

حياك الله يالواصل وعاش من شافك وهات بيوتك

سلام ومرحبا ردية في ظهر رديه = لياجتك التحايا من هجوسي لاتخيرها

انا بالمغرب انوي نية ماهي طبيعيه = والى من اصبح الصبح النوايا ماتذكرها

عنان الراحله لاصار ماوثقته يديه = اقول الله يسمح دربها ماني مدورها

يجوز انك ماتصمل لاطرت في خاطرك نيه = وليامنه حضر فكرك عرفت انك ماتقدرها

******** type="text/**********">doPoem(0)***********

تحسب الفكره صغيره وهي ماهي بعاديه = ياليتك شفتها قدام بالسكين تنحرها

الاياصاحبي بطاح مهل عقلك شويه = ترى الدنيا وسيعة بال كانك منت خابرها

عن الحر ولهيب الشمس ينفع بارد الفيه = وانا وجهتها للي يناسب دون ماحقرها

تبينا نساعدك في بشت اشقر معه جنبيه = يقولون العيون اليا لبست البشت تسحرها

******** type="text/**********">doPoem(0)***********

لقيتك جايبن بالمساله20 بالميه = ترى الشطار لارسبت مافيه انسان يعذرها

ليامني بغيتك جيتلك من دون برقيه = وجيه الرفقه ليوم المحل والضيق نذخرها

قلال العرف ماتحكم على اللي نارهم حيه = ياليت اجسادهم تلقى ثياب وساع تسترها

دفعنا باللتي احسن لاجل ماتروح عاريه = قضيتنا عميقه مانبيك تصك محضرها

******** type="text/**********">doPoem(0)***********

هبوبك كان هبت يابيض الشارب شماليه = ماهو عيب ان تجنبت المحيط وقمت تظهرها

نشوف السوس ينخر بالبياض بدون ماويه = وسنون ماعنتنا شي عادي لو نخسرها

انا سيفي مركز في جبين الداب والحيه = ونصيحتك الثمينه ياوسيع العرف وفرها

ترى وجه القمر حاضره باقي مثل ماضيه = وهذي رسالة ن لامن قريت حروفها انشرها

******** type="text/**********">doPoem(0)***********

صح لسانك يالواصل وتشرفت باللعب معك وتصبح على خير