24 ساعه لـ : حمود راشد البراك

03-18-2013, 10:11 PM

اسعد الله مساءكم بكل خير , يشرفني ان اضع بين ايديكم الكريمه قصيدة "24 ساعه" اتمنى ان تكون تحوز على رضائكم . . .

البارحه أوضاعنا كانت بخير
مابينها اربع وعشرين ساعه

تحت القدر ماكنت في رحمة الغير
ولاكان من ضيق اليالي طماعه

تبدلت احوالنا دون تبرير
فجاه كذا من دون فكر وقناعه

ماجاك مني يالغلا اي تقصير
ولاكنت بالفرقا اجيك انتزاعه

قلي علام الوقت قلي وش يصير
قلي علام الوقت جاك انخضاعه

كنت الرسول الي يجيب التباشير
تروي ضما العاشق لو انه متاعه

تشري ثمينه لوهي ضمن المخاسير
وتعطي حقوق ِ لوهي ضمن الجشاعه

خابرك تهديني مع حزة عصير
من ثغرها مبسم قوي ِ شعاعه

واليوم لا والله لفتني مسايير
ياكثرها متكونه من جماعه

الهم : ياتيني علي كني مغير
والضيق: مفتاح ِ فسيح اتساعه

وعتابك : اللي صار مثل الطوابير
شرهه على شرهه عليها لكاعه

هبت هبوب اوراقنا بالمعاصير
وارخت مجاديف السفن مع شراعه

عندي سوال وخابر ِ فيه تفسير
ابيك تذكرلي سبب هالقطاعه ؟

ماكنت تهديني مع حزة عصير
جرح ِ عميق ِ مايداوي ضياعه

مدري علام الوقت مدري وش يصير
مدري علام الوقت جاك انخضاعه .؟

تمت:
حمود البراك

03-20-2013, 02:22 PM

صح لسانك والله يعطيك الف عافيه

03-21-2013, 01:04 PM

صح السانك ياحمود البراك
قصيدة جميله جدا
عندي ملاحظه علي هذا البيت فقط

تشري ثمينه لوهي ضمن المخاسير
وتعطي حقوق ِ لوهي ضمن الجشاعه

تقبل مروري وتقديري

04-08-2013, 08:19 AM

صح لسانك ياحمود وبيض الله وجهك على القصيده الرائعه ولاتحرمنا جديدك وتقبل مروري واحترامي

04-08-2013, 03:07 PM

صح السانك

يامبدع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حفل زواج: حمود بن حمد البراك	صلنديح	قسم خاص بتغطية الحفلات	13	10-08-2011 06:25 PM
المسافر لــ: حمود البراك	حمود البراك	ساحة الشعر والادب (كتابه)(صوت)(شيلات)	5	09-20-2010 05:53 PM
قصيده(( شيح الخـير))- محمد راشد البراك	حمود البراك	القصايد المنقوله	1	09-08-2009 12:29 AM

حاصل على ترخيص من وزارة الثقافه والاعلام السعودي