( جواد المراميع )

اخواني وخواتي ادره ,,,اعضاء,,زوار ,,تحيه طيبه,,ولكم

ياهاجسي سرج جواد المراميع=واتعب من اجلي ياطويل الذراعي
انته رفيقي في جميع المواضيع=وقت السعه والا بضيق المساعي
اسرح معك في عالم الفكر واريع=واقول لك عن رحلتي وانطباعي
ل الشعر قاف وللمواقف صعاصيع= والسيف فعله من يمين الشجاعي
واللي يجر الصوت لوايق الريع= وتلج مع صوته حلوق الجياعي
اكيد ماحصل بدربه تسانيع= كشر بوجهه مبتسم ل الصياعي
والحض درب اتدلبه يوم وتضيع= والخير بعدك عن دروب الضياعي
والليل هو وقت النجوم اللواميع= لزاد بالضلمى تزيد ابشعاعي
وسود الليالي بالحبايل مضاريع= بين الحمام وبين رقط الافاعي
واللي حياته في دعايه وتلميع=تراه(,,,,,,,,) والا اقول مافيه داعي
ياراكب اللي مابعد عرض للبيع= من احدث انتاج الزمان الصناعي
مرفوع صدره مايبي منك ترفيع=وان ضاق دربه صار دفعه رباعي
لافيه لاكتمه ولافيه تقطيع=يقطع جراهيد الفجوج القطاعي
اليعترض يشبه لمرو البواتيع=والياقفيته مدرجات القلاعي
واليانطحته شع وجهه شعاشيع=يشبه لوجه ام العيون الوساعي
مشروع ناجح من خيار المشاريع= للي لتصميمه قدر واستطاعي
والبدو لاهبة هبوب الذعاذيع= يحصل لهم مثل اللقاء والوداعي
تشريه لو باعة حليب المراضيع= يااااهي جريمه في حقوق الرضاعي
بدوٍ فوايدهم فوايد زراريع= ماينتجون الا(,,,) الزراعي
لكنهم لو زاد جشع الطماميع=هماتهم ترفض نقوص الصواعي
عاشو على جرد الفيافي صعاصيع=لاضاقة الفرجه هجوم ودفاعي
يلفي على اللي يعتبر سدٍ امنيع=قلب الحكيم ونظرة الاجتماعي
الشاعر اللي في بيوته مواضيع= تفرق بيوته عن بيوت المعاعي
سلم على خشمه وقل علم ومذيع= وقله يقول الك الخبر لايذاعي

******** type="text/**********">doPoem(0)***********وسلااامتكم / اخوكم / محمد سلمان