تلاقينا بعـد ذاك الزمـان اللـي زعـل منـا
وصـار الهـم يغتـال الثوانـي فـي ليالينـا
تهنينـا بعتـب صامـت واحـداق(ن) تكلمنـا
عن هموم الشقا والصد مـن لحظـة تجافينـا
عن اعصار الشتا الحالم .. وآلآم(ن) تجمدنـا
الين اطفت لهيب الشوق من شمعـة اسامينـا
عن أوطان الشعـور اللـي باخلاصـه يقيّدنـا
مثل سجّان قلب(ن) نطلبه .. يصبر .. يراعينا
حبيبي ... والسهر بدر(ن) يجامل لين بهذلنـا
تعبنا نتبعـه خطـوه بخطـوه .. مـا يدارينـا
حبيبي ... هالبدر مثل الحنيـن اللـي يقرّبنـا
يعيش من الشهر يومه ويغـرق فـي منافينـا
سكت .. ادري بسكتاتك .. تفكّر: وشهو يجمعْنا
طعنت ابـ/ سوء تفكيرك سمو أطهـر أمانينـا
تأمل هالبحر يلبس سواد مـن الحـزن معنـا
عجز يرمـي لنـا مـن باطنـه درّة تواسينـا
تأمل فـي السحابـه والنجـم اللـي مضيعنـا
إلين تراكِم حطـام المشاعـر فـوق ماضينـا
ابـ/ اجمع لك شتات الود مدام الشعر يسمعنـا
وابعثر لوعة الماضي علـى تربـة شواطينـا
تخيل ؟ .. غصّة العَبرة مع الذكرى .. تونسنـا
تخيل ؟ كل شـي ٍ عافنـا .. أصبـح يخاوينـا
بنينا ديرة(ن) من معجزات(ن) تغوي المعنـى
وهدّينـا حضـارة قربنـا واعتـق مبانيـنـا
مشى احساسنـا دربـه وكـان الحلـم همتنـا
وماتت امنيات الـورد مـن قسـوة خطاوينـا
وش اللي نالنا من واقـع(ن) بالضـد عذّبنـا
نقول احباب حنّا .. والعذل .. منّا وترى فينـا
ابيك افـ/ كلمة(ن) تنضح من الآهات ضيقتنـا
عساها تروي حنجرة(ن) تغص بذكـر طارينـا
عشان اتفهّم الهامك اذا هو لـ/ الوصل غنّـا :
[حسبت اشواقنا غابت] ترى احنا اللي تناسينا
واكيد اللي مضى راحل .. مُحال تعـود دمعتنـا
جزا القسوة: رحيل / وهالأمل عـزّم يجازينـا
تلاقينا وحسبت ان الوفـا طفـل(ن) بداخلنـا
ولكن غاب فـي مهـده .. وبادلنـا تعازينـا
حاصل على ترخيص من وزارة الثقافه والاعلام السعودي
..{ تـلاقينــا .!
العرض العادي
