حيل الله اقوى مابقى في يدي شـيّ

قصيده اعجبتني يقال انها
لشاعر/مشعان البراق العتيبي

[poem=font="simplified arabic,6,black,bold,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black""]
حيل الله اقوى مابقى في يدي شـيّ=مافيه حل ٍ فـي يدينـي ذخرتـه
حاولت .. لكن المحاصيل هيّ هـيّ=الطير طـار ولا بقـى الا شجرتـه
وقفّت اشوف شويّ واغمّض شويّ=واللي انكسر في خاطري ماجبرتـه
لين الحقت شمسي على بـارد الفـيّ=وشفت ان كل اللي جمعته خسرتـه
من كثر ماعزيت ريقي عـن المـيّ=ملّ الصبر من كثر صبـر ٍ صبرتـه
كم هقوة ٍ ضاعت على سكة الغـيّ=وكم حلم ف تراب الحقيقه قبرته
واقف وطعنات الزمن كلها فـيّ=وساقي لو انه كلّ منـي كسرتـه
بعد ماعاش اليأس في احساسي الحيّ=اخوي .. لو هو صد عنـي عذرتـه
مدري عن اللي كنت احسبه بقى ليّ=اللي حزمت ابه الضلـوع وذكرتـه
اللي طوى حالي بحكم الهـوى طـيّ=قصّر .. وانا كل الطريق اختصرتـه
ماهو خطاء لاقلت ( تأمر على شيّ )=الا الخطاء .. لا اشتقت له وانتظرته[/poem]