ابي من بين جمهوري

أبي من بين جمهوري عزيز(ن) ياخذ المرسال
وابيه يروح للغالي ويوصل بالجفا اخباري




امانه العمر شايلها عساها توصف الاحوال
نعم امنتك بربك واشوفك بالعنا داري



ابي تاخذ احاسيسي وجرح(ن) للحشى يغتال
وابيك ليا لمحته جا تزلزل هامة اسواري



وابيك تخبره قلبي حبيبي يرتجي لوصال
وكل حرف( ن) له تشيله تأكد يعرف اقداري





انا من زود مااحبه غلاه بداخلي يغتال
يتل الروح من جسمي ويبيح خافق اسراري



ابي يعرف ترى عيونه و شوفه اجمل الامال
وكل شي بتواصيفه سكن في قمة افكاري



وش اللي غيره عني وبعده بالهوى قد طال
حياتي تنكتب لجله و عينه منبع اشعاري






( احـبه.. احـــبه فوق هالدنيـــا)واغني للهوى موال
مثل فيروز اغنيها واغير لجله اطواري



طلبتك تاخذه بحضنك وتلمح نظرة الاطفال
امووووت بنظرة عيونه رجيتك نفذ ادواري



امانه وانت شايلها سلامي بالعطر ينهال
يعطر قمة اجوائه تزيد بنوره انواري



وابيك ليا لمحته فاق توصل زبدة المرسال
أحبكـ يا نظر عيني وماوفيكـ بأشعاري

وسلامتكم

نقل مميز ياالعااقل وماايدل على ذاائقتك االشعريه االراائعه


فلاتحرمنااا من ااختيااارااتك االمميزه


تقبل مروري ولك ااحتراامي

شرفني مرورك الكريم

الله يعطيك العافيه

تحيتي لك

مشكور يالعاقل وصح لسان قايلها
وياليت لو ذكرت اسم الشاعرحفظاً
لحقوقه تقبل مروري

قصيده جميله اعجبتني كلتها

صح لسان شاعرها
وسلمت انامل ناقلها

دمت وسلمت
اسيرالحب

قصيده ليسس لها مثيل
فيصل البراااك