جرت هذي المحاوره في يوم الخميس الموافق 4/1/2007
مكان المحاوره ديوان مجعد بن متعب
يا مرحبـا والله يحيكـم رجـال ٍ غانميـن
والليله اللي تجمع ارجال الوفـا يـا طيبهـا
يا غازي البراك لو اني عرفتك مـن سنيـن
عطيتـك علـوم ٍ توديهـا معـك وتجيبهـا
رد غازي البراك
ابك البقا ياللي ترحب ياعسى ربـي يعيـن
وانت العلوم الطيبه يـا صاحبـي تحريبهـا
جيت متعني لاجل تدريبي على علـم ويقيـن
هات العلوم اللي تبا واللـي تبـا يدريبهـا
محمد الردعان
نبي نسلمك الامانـه ميـر قلبـك لا يليـن
لا خيلت سود المـزون وسيلـت بشعيبهـا
الحي يبقا حـي والميـت رفيـق الميتيـن
وانتـه علومـك وافيـه والوافيـه وديبهـا
غازي البراك
الله يقدرنـا علـى علـم الرجـال الطيبيـن
انت تعرفنـا والعلـوم الماضيـه تدريبهـا
الحي يتبع سنة الميت على سمـن وسميـن
يا مدرسة جزل المعاني عالم ٍ فـي غيبهـا
محمد الردعان
بعض السوالف مبهمه فيها الخوافي ما تبين
وشيب عينك من تصاريف الزمـن وشيبهـا
لا شفت زولٍ من يسار وشفت زولٍ من يمين
ان طعتنـي لا تلتفـت واذنيـك لا توحيبهـا
غازي البراك
اديارك اللي فوق تنشد عنك يا ذرب اليميـن
لا تترك ديار الجـدود اللـي تعشـى ذيبهـا
الذيب يلقاله طريق ٍ زيـن والقاسـي يليـن
ومساجد الشيعيه ليـا مريـت مـا صليبهـا
محمد الردعان
انت اعتبرني عسكري في خدمة اهل القريتين
والله يخلـي للهنـوف ام الجدايـل صيبهـا
ما ينطح القالات غير اللي معه ضلعٍ متيـن
يالله تجمعنـي معـه فـي ليلـةٍ نسريبهـا
غازي البراك
ترا الجمل يقدر يشيل مع الحمولـه حملتيـن
وام الهنوف ان كان فيها عيب نستر عيبهـا
هذا الكلام الصدق ما صار الرغى مثل الحنين
وشيب عينك من تحـدي صاحبـك وشيبهـا
حاصل على ترخيص من وزارة الثقافه والاعلام السعودي
محاوره لمحمد الردعان لغاازي البراااك
العرض الشجري