دقبي هاجس ٍ

قصيدة مرسله لزميل العزيز عواد حمود الشمري

دقبـي هاجـس ٍ غـايـب وتـوه لفاني = وقمت اجاوب حمام ٍ قام يزعج نـياحه
وسـتـلمت الـقـلم وامـرت خمس البناني = يـرسـم ٍ المعاني فـوق بـيـض المساحه
وقلت مافيه راحه لـو سـنا الصبح باني = قبل تكمل بيوت الشعر ماش اسـتراحه
وطـاوعني عـلى ماريد ماحـد ٍ عـصاني = ويوم لـبن نداي الـقـلـب زاد ارتـياحه
لـيـن صـغـت البيوت الطيبات السماني = وحذف الهزل واخذ من نوادر اصحاحه
وقلت بالله يالـمـندوب ريـض ثـواني = جارك الله من الحساد وهل الشفاحه
لـيـن اجهز اكـتاب ٍ فـيه جزل المعاني = يم رجلٍ كريم ايديه ماهي شحاحه
غـير عـواد لاتـقـف على الـمودماني = دون حـقـران بـرجال ٍ تـروي رماحه
طـيـب الخلق ولاخلاق طـيـبه دعاني = والتواضع وجزل الراي سـبـت نجاحه
مـن ربـوع ٍ بوقت الكون تـرو الـسناني = فـي نهارن على اعداهم قليل ٍ رباحه
قـل زميلك لـه ايام ٍ طـو يـلـه يعاني = يسهـر الـلـيـل كـله مـهـتـنا في امراحه
جـاحد له صـواب ٍ بالـضلوع الـمحاني = ويـوم طـول صوابه خـافي الـسـد باحه
شـوف حاله نحيله من ضروف الزماني = ما نـفـع في مـعالجته طبيب الجراحه
والـسـبايـب غـزال ٍ بـالـمـحبـه شعاني = شعي ذودٍ خذوه اهل العـوايـد شـلاحه
عـشـر وربع اسـنين وصاحبي ما جفاني = وراعي الـحـب لمحبه يـطول كـفـاحه
مانـسـيـتـه ولـو لـحظه وهـومـانـساني = مير صرنا مثل طـيـرٍ كـسيـر ٍجـنا حه
حسب يالله على الي حد سـين وحداني = ناس تـسعـا الـفـرقا ناس ماهي مباحه
شـانـو الـناس يـاعـواد ولـقـوت شـاني = كـل واحد علينا مـركـبٍ فـي سلاحه
كـل مـانـهـيـت مـوضـع ٍ بدا علم ثاني = مـن هل الـحسد والـنمات ماني ابـراحه
وراح عمري وانا بين الرجا والـتـماني = ماخـذيـت الـحقـوق ولاعـطـيته سـراحه
وباغـن الـراي مـنـكم ياعريب المجاني = حيث رايك سديد وفيك عرف ورجاحه
خاف تطلع بـراين يالسنافي خفاني = جـعـل عـواد يـنـه المشكـله بـقـتـراحه
والنهايه بورد ومسك مـع زعفراني = يم عواد تـرسل وسعد الله صباحه

******** type="text/**********">doPoem(0)***********
ناصر خنيفر الرشيدي