قصيدة المشاركة بحفل شاعر المعنى الشاعر نواف بن حياء المشعلي

قصيدة مهداة للأخ العزيز الشاعر : نواف بن حياء بن عبطان المشعلي
بمناسبة الحفل الذي أقامة بعد مشاركته الشعرية بمسابقة شاعر المعنى للمحاورة

الليلة الليله حضرنا على شان= حفل الزميل اللي يمثل قبيله
للشعر وقت وداعي الشعر لابان= يبين من بدع القريحه جزيله
ون كان جاء للشعر وقفه وميدان = رقيت به روس الجبال الطويله
اطب وانقى من جزيلات وسمان= ولالد في وخشه ولافي هزيله
شرد وراها كل قناص تعبان= ولاكل من يطرد وراهن تجيله
وحضرتهن في محفل اللي لهم شان= حفل يتومس كل رجل يجيله
سلام ياربعي طويلين الايمان= ياهل الكرم واهل الفعول النبيلة
افعالكم جزلة ولطيب عنوان= وفزعاتكم تبري الكبودالغليله
واللي بعدها حان وقت الوعد حان= الراس لولا المتن ماحد يشيله
تكاتفو في دعمكم لابن عبطان= اليا وقفتوله ماهي مستحيله
نبي نجيب القاب ونجيب شامان= لابان صدق الفعل بين حصيلة
ونتم هل الفزعات من ماض الازمان= وفزعاتكم فيها تخف الثقيلة
ونواف لامنه وقف وين ماكان= مثل قبيله والفخر للقبيلة
والشعر مضمونه رساله وديوان = والشاعر الراقي بفكره دليله
ماودي اختم ماكتبته على شان= حفل الزميل اللي يمثل قبيله
لكـن على بالي طرى قول راكان = الهرج يكفي عن كثيره قليله

******** type="text/**********">doPoem(0)***********مبروك بن عبيد