بسم الله الرحمن الرحيم
ـــــــــــــــــــــــــــ
.............
اسري مسار الذيب واهرف هريفه
وارقاء معه وليا عـوى جاوبه ذيب
لجـت اضــلوعه والجــــبال المنيفه
من عـويته في موحشات المراقيب
عـــدا بعــدها بين امـان ٍ وخــــيفه
يبا عــشاه وصـــافـيات المـشاريب
في ليلة و الـــــبراق محـــــلا رفيفه
برد ومــطــر وخــفيفات الهباهــيب
الــدرب وعــرن والمســافه كليفه
وعــنده تساوى بردهـا واللواهــيب
من عــلة ٍ بين الضــلوع الـنحــيفه
قـســت علي بجــارحات المخـاليب
اثارهـــا مــــرت عــلــيه طــفـــيفه
لون منها عـــارضي مشتعـل شيب
حسبي على اللي دوم مظراب سيفه
بقصى الظهر ومعانق الشك والريب
مــاكل ضـــحكه مــن قـلوب ٍ نظيفه
وماكل ناس اتجازي الطيب فالطيب
حـــقايق ٍ مـثل الســيوف الرهـــيفه
اخــذت مــنها في زمــاني تجــاريب
لي نظـــرة ٍ تبعــــد وغــايه شريفه
واموت ماشرب من اعدودن غثاريب
والعــسـر غــيث اليســر دايم رديفه
من فــضل رب ٍ عالم السر والغـيب
وانا رجــل مومن ونفــسي عــفـيفه
من خـاف ربه وطلبه صعب ٍ يخيب
الشاعر/ صلاح مطلق بن بدوي
حاصل على ترخيص من وزارة الثقافه والاعلام السعودي
حقايق ٍ مثل السيوف الرهيفه
العرض الشجري