السلام عليكم ورحمة الله وبركاته
البارحه كثرت براسي همومي والعياطير
وطار النوم وهمي كبروزادت ارتابه
دريت ان اليل مضلم اقبل بتكشير
تساوت بعيني الخطى ولاصوابه
بعض الخطى ماتنفع به شرهه ومعاذير
وبعض الأسأله مالها اي اجابه
موقف غريب ماله ياصاحبي اي تبرير
خلاني اضيع وبداعقلي يفقد صوابه
قدام عيني واقول يصيرلامايصير
اتلفت واتعوذ لين العقل زاد استيعابه
ليله اقفت بس مااقفت على خير
وصرت انا واليل وهمي والكأبه
وطاح من عيني جبل واصبح
صغير
بيتا" بلا عمدان ماتنفع
اطنابه
هالحض وش جاب وش جابت
هالمقادير
ولله ان الرمح غالي والفريسه ذبابه
المصيبه كان الطيحه كسرت ضهرالبعير
وان طحت متساوي يطيح القدر
والمهابه
ورجعت قليله ارباحي وياكثر
المخاسير
العوض بالمقبلات وليالا" مضت تشابه
يامشاري هالزمن عايب مابه عشير
يامشاري مطعون والطاعن من القرابه
ماجاء مني لاخطى ولا
تقصير
غريبه هالنفوس والطبع اكثر
غرابه
يامشاري عيب قلبي انه عاش ضمير
يامشاري عزي لقلبي ماتوفق مع احبابه
قولو البدولولا الأمل مات
الفقير
راح وادري انه مايفكرفي
ايابه
واليوم ياصاحبي عودلوكره الطير
وصاريشوف الدنيانقى واكثر
رحابه
واقفا"بوجه اليالي وماتجيب
المقادير
ولا هوعيب ان قيل الدمع بلل ثيابه
دام لي بعيون الرجال حشمه وتقدير
ومن اقفى بكيفه ماجيه واطق بابه
ولابخسارته دموع وألم وتحاسير
وعن حضور المقفي يغني غيابه
والردي ردي ماعزته جمع الدنانير
مالا"مايعزك ولايرقيك ماينرقابه
جاك خطي فيهامن قلبي تعابير
وان قصرالقاف استقبله في رحابه
واصل بدرب العزوانابدربك اسير
ببقى على صبري وانت بنفس الصلابه
حاصل على ترخيص من وزارة الثقافه والاعلام السعودي
اهداء خاص ...
العرض الشجري