قــــــصة وقصيدة .................................

قصـه خياليـه للشاب رحل عن اهله وهو عمره 14 سنه لماذا وبعد مارجع بعد عشر سنوات ماذا

حصل ؟ترجمت القصـه على قصيده مميزه للتوجـد للشاعر الكبير خالد بن مدعث الخرفاني الدوسري

اعجبـتنــي وحبـيـت انقلهــا لكم والاستمـاع مع القراءه لها طابع اخر ويمييزهـا

.................................................. .................................................. ....................


كل مافاضت عيوني باشة الاضلاع غنا ... الموارد فالضلوع وكل ضلع فيه ونه

والتمني مايحقق هقوة القلب ان تمنا ... بس قلبي مايداني تبعد الهقوات منه

واوجودي وجد من جلى عن دياره مجنا ... تو عمره عشر واربع والليالي ماتحنه

ماوراه الاعجوز واخته وعودا مسنا ... بين فقر وبين دين وبين ضيم وبين منه

ماذبحهم غير دمعٍ من الغبينة ما يكنا ... ويل من سود الليالي بالمصايب يبتلنه

راح مثل الذيب واهبلته حياة الذيب ضنا ... وامن والموت يومي بين مخلابة وسنه

راح ينقل دم قلبه وان ضواه الليل ونا ... الذيابة مروحاته والسيوف يدورنه

لاذكر دم القرايب عانق البيداء وثنا ... وان تذكر ضحكة امه زاع قلبه من مغنه

ما يلوعه في حشاه الا لشاف البرق سنا ... غاب عشر سنين مابه من يرد العلم عنه

ان حداه الخوف منا هزت الاشواق منا ... يوم طال الوقت عود للديار اللي ربنه

قال مادام المذلة والبلاوي يبتلنه ... والله ان الموت في الاوطان بين الربع جنه

يوم وقف فالمنازل مالقى بيتٍ مبنا ... غير بيتٍ للهبايب والذواري لاوحنه

راح يمه كنه اللي ضاربه رمح المطنا ... واعذابه مادرى ان سهوم بقعاء يحترنه

يوم قرب سمع له صوتٍ من العله يحنا ... حصل امه عندها ضيف يقول الموت سنه

قال يمه قالت عيوني من الدمع انعمنا .. قال ابوي وقالت طوال النصايب قد خذنه

قال واختي قالت اقفى القوم بأختك مع ضعنا ... قال ربعي قالت سنين المجاعة فرقنه

قال جيتس قالت ان الموت ما ظني تونا ... واستلمها نازع الارواح روح مرجهنه

ثم صاح من التفرق صيحة اللي فيه جنا ... دق صدره وانطوى من حر مابه طي شنه

كل هذا حال قلبٍ من خلقه الله معنا ... الهموم يوكلنه والروابع ياكلنه

ليه ادور للسبايب والسبب فينا ومنا ... النفوس وماتسوي واليدين وماحصدنه

لاتوسدنا الخطايا نلحق الشرهه زمنا ... ما جزانا الا عملنا والحقايق يثبتنه

قلت اجرب وش ورانا بنتسلى ونتهنا ... الليالي ماتخالف من طلب شيء عطنه

جاهل فالغيب واثر اللي يسلينا طعنا ... مادريت الا بقلبي والمحاني يردعنه

قلت وين تروح خلك في ضلوعك مرجهنا ... قال مدري مير تسن الحب تل العرق تسنه

قال واختي قال ليه اليا ذكرناها اشتحنا ... وانتبهت وطاح فكري للطواري واخلفنه

رحت ابسأل بنت حواء ليت حنا ما سألنا ... كان والله مستريح ومخلف قلبي وظنه

قلت هز العود صفق النود قال النود حنا ... ماذكر به عود الا والهبايب يطرقنه

قلت في دارك غريب وقال حول في وطنا ... لك محل في قصور له سيوف يحتمنه

قلت اهلنا قال والله ما نعيب سلوم اهلنا ... والعفيف من الهوى مابه علوم يحرمنه

وابتدينا قصة السبع العجاف ومللنا ... كل عام يمر يعطينا من اللوعات فنه

وافترقنا ما لقينا من يرد العلم عنا ... غير حب للهبايب والذواري لاوحنه


-----------------------------

ولمن يرد الاستماع الى القصيدة او حفظها فقد رفعتها .. شيلة القاء رائع

http://mmhh007.googlepages.com/altwejd1.rm