عرفة وجيه
ياكثرهم .. لا قلت لك .. عرفة وجيه
وياقلهـم .. لا قلـت .. قــدر ومـعـزه
\
رجـلٍ .. تعـزه بعـد ماتلتقـي .. فـيـه
ورجـلٍ .. قبـل ماتلتقـي بـه .. تعـزه
/
ورجـلٍ .. تـرزه بالمجـالـس مبـاديـه
ورجـلٍ .. فلوسـه بالمجالـس تــرزه
\
ورجلٍ .. يموت ولا يجيبـون طاريـه
ورجل ٍ .. يجي طاريه فـي كـل حـزه
/
ورجلٍ يهزه .. بعض موقف ويشقيه
ورجلٍ .. مهوب أيّـات موقـف يهـزه
\
ورجلٍ .. ضعيف .. ويستفزه معاديه
ورجـلٍ .. كـلام اعـداه .. مايستفـزه
/
ورجلٍ .. تلزه يعترف لـك .. بخافيـه
ورجلٍ .. علـى خافيـه .. محـدٍ يلـزه
\
ورجلٍ .. يوزونه .. ويزعل بنيخيـه
ورجلٍ .. يزعّل مـن يحـاول ، يـوزه
/
ورجلٍ .. تكزه لا زم انك .. توصيـه
ورجـلٍ .. بليّـا مـا توصـيـه .. كــزه
\
من لا فرش .. للمرجلـه .. ماتغطيـه
ومن لايخز .. النـاس .. محـدٍ يخـزه
/
ان كنت تعرفني فهي .. عرفة وجيه
مو شرط لك بالقلـب قـدر .. ومعـزه
الشاعر / خلف المشعان
قصيده جميله ايضا لعبدالله باتل
بعض العرب
بعض العرب ما ينعطي وجه بالحيل
0000 وليا عطيته وجه صار إلك عله
وبعض العرب ماله سنع لكن حليل
0000 بالضبط كأنك لا تمعنت ظلـه
وبعض العرب مرسال مدري مريسيل
0000 يساير العالم وهو حاصل ٍ لـه
وبعض العرب ما غير بندق ودربيـل
0000 ومنين ما هب الهوى جايز ٍ له
وبعض العرب يطلع كما طلعة سهيل
0000 ويغيب نجمه قبل دربه يدلـه
وبعض العرب يذيك بالقال والقيـل
0000تجلس معه ساعه والاخرى تمله
؟؟؟ وخسيس يفصل الهرج تفصيـل
0000 وليا لقى له طيب ٍ يستغلـه
وبعض العرب منظر وكشخه وتحليل
0000 شبح بحال وحال اخرى كرله
لاشفت زوله من خيار الرجاجيـل
0000 وليا عرفته ما تجيه بمحلـــه
وبعض العرب ماضيه ليل ٍ بلاليــل
0000 قد بصموه وصورله ادلـــه
وبعض العرب لا والله الا تهاويــل
0000 مهما عقدت الحبل لازم يحلـه
قد دربوه ولكعوه الرجاجيــــل
0000 من قبل لا يصير الحدث جاهزٍ له
وكانك شجاع اصحيح حارب سرائيل
0000 قبل اليهود القدس لا تستحلــه
وكلش يهون الا الثلاث الغرابيـــل
0000 المهزله والمسكنه والمذلــــه
الشاعر: عبـــدالله باتـــل الرشيــــدي
جمعت القصيدتين لتشابه بعض الافكار حسب رؤيتي ومشكورين
حاصل على ترخيص من وزارة الثقافه والاعلام السعودي
من اجمل قصايد خلف المشعان وعبدالله باتل
العرض العادي
