نكبات وقتي تلتها نكبت أصحابي

نكبات وقتي

قصيده أعجبتني وهي لشاعر غني عن التعريف هو الشاعر / عبد الله بن باتل الرشيدي

آمل أن تنال أعجابكم

ياالله ياواحد راجيك ماخابي=يا اللي بخيصن بمشرقها ومغربها
تفرج لمثلي من الهاجوس منصابي=دنياه شاف العجايب من مصايبها
مافيه شئ يصير إلا له اسبابي=مير ان لي قصة ماأعرف سبايبها
والله ما أدري زماني كيف سوابي=ما أدري زماني حياتي كيف قالبها
والله لولا الحياء لا شقق اثيابي=وان الدروب العسيرة غير لأضربها
مير الحياء والأمل بالله عيابي=يقول صبرك كفيل في تقلبها
حقايق العام صارت كلها أكذابي=وحقائق اليوم عارفها وكاتبها
نكبات وقتي تلتها نكبة أصحابي=وأصبحت مخدوع في ناس مصاحبها
باسم الصداقة غزانا كل نصابي=وعرفت بعدين وش كانت مطالبها
يوم اكتشفت النهاية خاطري طابي=عايشت ناس عجزت أعرف مذاهبها
ومايصير للآدمي مكتوب بكتابي=تعاتب النفس ولا ما تعاتبها
ولا يروع الحبل غير مجرب الدابي=ولا يعرفك بالحياة الا تجاربها
وان سد باب بوجهي ينفتح بابي=والناس ماني على ما أريد غاصبها
أعاف من عافني لو هو من أقرابي=ومالي ومال الطويله من نشايبها
رزقي على واحد للرزق جيابي=الواحد اللي مخاليقه محاسبها

******** type="text/**********">doPoem(0)***********
الشاعر / عبد الله بن باتل الرشيدي



ابو عبيد