ود الثعالب \.. للنمور انقراضي

ايها الاخوة في منتديات الشاعر غازي البراك

اصافحكم بهذه القصيدة التي ارجوا اتنال اعجابكم

يا واقع (ن) عكّسْ جميع المفاريض = ما عاد ينفع فيه وضع افتراضي
واقع مرير ولا يجي فيه تعويض = في مشكلة حاكم وشاهد وقاضي
زعلان أرادف كلمة الغيض بالغيض = وإن قلت أنا راضي فلاني براضي
وأروض الأبيات بالصدر ترويض = لو أنها عسرت سكون ومراضي
قامت ترادف كنها جمع تفويض = غبت بحر ما عاد فيها مغاضي
يهيض حرف الشعر بالشعر ويفيض = ومن حر ما فيني من الشعر هاضي
يكن في جوفي ضروب المباريض = والهم في وسط المعاليق فاضي
راحت ولا هي راجعه بالمعاريض = زادت بطول و زاودت باعتراضي
عقب البناء يا شين دور التناقيض = صعب البناء لا شك سهل النقاضي
مابين تدبير (ن) وما بين تحريض = وبرق الغدر بين الرديين ناضي
تحججوا في كل درب (ن) وتغريض = دك الظلام يضيع فيه البياضي
حنا وردنا العسر من دون تجويض = يوم الردي عن جانب العسر جاضي
دايم علينا بالردايا مراكيض = ود الثعالب للنمور انقراضي
والحر لا من طار زاد التناهيض = والليا نزل يرقى بروس النهاضي
راحت وحاديها سواد(ن) مع بيض = يوم أبعدت زادت هجاج وركاضي
يالله طلبتك من جنابك معاويض = والحكم حكمك ما عليه اعتراضي

******** type="text/**********">doPoem(0)***********

صالح سعود