ابي تسمع كلامي زين وتمسك زيـن اعصابك !!.

انا زعلان منك حيل وشايل لك بقلبـي عتـاب
واتمنـى تحملنـي مثـل مـا اتحمـل عتـابـك

ترى بعض الصراحة جرح وثقل ونرفزه واعصاب
ابي تسمع كلامي زين وتمسك زيـن اعصابـك


تعاهدنا انا وانتـه علـى إنـا نكـون احبـاب
واحبابك هم احبابـي واحبابـي هـم احبابـك

وش الي غيرك فجأه تكلـم واذكـر الأسبـاب
انا بسمع كلامك زين وبسمـع زيـن اسبابـك


رغم كل الخطاء منك فوجهك ما قفلـت البـاب
ويوم اخطيت في حقك قفلت فوجهـي ابوابـك

رخصت الغالي لعيونك حنيت لخاطـرك ارقـاب
رضيـت احنيهـا ارقابـي ولا تحنيهـا ارقابـك


كفايه تمتحني هم وخل مـن ذم فينـي وعـاب
ترى من عاب في غيرك ولو طال الزمـن عابـك


ولا تفكر في يوم انساك او يشغلني عنك غيـاب
انا اتنفسك اهـواك وفيـك امـوت واحيابـك




انا ما شوف احد غيرك جميـل بفتنتـه جـذاب
انا إعجابي فيك اعمى يفوق اعجـاب اعجابـك



انا مهما قسى قلبي بكلمـه منـك احسـه ذاب
انا من زود عشقي لك عشقت العطر في ثيابـك



انا ياليت مغرم فيك انا كلـي فغرامـك شـاب
احسك جزء مـن روحـي ولا اتحمـل غيابـك


ولا قد طاب لي جرحك ولو جرحي لذاتك طاب
عجزت اقدر اشوف الدمع بل اطـراف اهدابـك



ولكن كل شـي إلا جـزاة الصـد بالترحـاب
إذا صديـت ترحابـي تـرى باصـد ترحابـك


ولاني مرتضي ذلي ولـو كـان الهـواء غـلاب
إذا ماكان ترضا بي حشاء لا يمكـن ارضـا بـك



ولاني قادر اتحمل عشانـك غرسـت الأنيـاب
انا كلي غدى مجـروح مـن غرسـات انيابـك



تجافيني ولا همك ولا تحسـب لـي أي حسـاب
وانا من زود عشقي لك اصونك واحسب حسابك



ألآ يا قسوة الصدمـه تجينـي منـك الأصـواب
وانا الي كنت اقول الجرح إذا ما صابنـي صابـك



أمانـه قـول وش بقيّـت للعـذال والأغـراب
اذا هذا معي طبعك اجـل وش حـال اغرابـك



تمرد كان يحلى لـك تعيـب فطيبتـي وتغتـاب
ولكني تـراي اكبـر مـن انـي يـوم اغتابـك


حقيقه اكتشفت انك سخيف بطبعـك الكـذاب
واني كنت لك لعبـة سخيفـه تشبـه العابـك



انا عيبي غبي طيب وضنـي فيـك والله خـاب
ولا قد كنـت اتوقـع تجافـي يـوم اصحابـك


انا جيتك بطيب الطيب وفيك الطيب ابد ما جاب
ابي تعذرني ها القسوة لأن الطيـب مـا جابـك

روعه القصيدهـ ,, ورعه كاتبها ...

يعطيك الف عافيه على الابداع في القصيدهـ,,

تقبلي مروري ..

قصيده جميله

مشكوره ياملثمه قصيده جميله
والله يعطيك الف عافيه

بعد الغياب حضور بقوه

لك من صميم القلب اعجاب ياحلوه

ابياتك تعجبني واحسها جوه
ابدعتي بابياتك ومو غريب عليك

لانك دائما مبدعه اختي العزيزه
لك مني تحيه عطره بريح المسك والكادي

وبنتظار جديدك وابداعك

معجب بابياتك::اسيرالحب

مشكوره والله يعطيك العافيه على القصيده الرائع

اختي ملثمه

مشكوره والله يعطيك العافيه على القصيده الرائع

اختي ملثمه

قصيدة لا اروع منها الا كاتبها وناقلها

لاهنت على الابداع المتجدد

تقبل مروري وشكري ,,,

الملثمه بشماغ حبيبها
ولكن كل شى الاجزاة الصد باترحاب = اذصديت ترحابي ترى بصد ترحابك
ولاني مرتضي ذلي ولوكان الهوا غلاب = اذا مكان ترضابي حشاء لايمكن ارضابك
الحقيقه القصيده جميله مثل جمال كاتبها من ناحية السبك والقافيه
ولكن فيه ملاحظه على الوزن فى بعض الابيات تقبلي مرور

كلمات رائعه تحمل من العتب ومن الالم ومن الحب الصادق ومن... ومن .. الخ
صح لسان قايلها .. وسلم بنان ناقلها
بقي نبض ابداعك .. ولاعدمنا ذائقتك
كوني بخير
دلوعته
: