قصيدة خلف بن هذال

[poem=font="simplified arabic,6,black,bold,normal" bkcolor="transparent" bkimage="backgrounds/13.gif" border="double,6,gray" type=0 line=0 align=center use=ex num="0,black""]
سولي الكيف وارهولي من الدله=البن الاشقر يداوي الراس فنجاله
كيفن لنا نحرق النار ونزله=واليا انقطع لو ورى صنعاء عنيناله
البارحه الليل ما قمضت به كله=واراقب الصبح جالس وآتحراله
ابعث شريطن مضى واطويه وافله=واقول من يحفظ التاريخ لأجياله
قل للعراقي يفتش جعبته قله=يلقتبها شي ما يطري على باله
الهم والغم والطاعون والعله=حقه الحاله اكفايه حقه الحاله
من صفعتن ضاقها بانت به الخله=يذكر هزيمه شهر شعبان واهلاله
قام الثعل يشتغل ويشاغل الشله=عزت وطارق وعد اعدي وامثاله
يذبح ويصلخ يده حمرا ومبتله=شي يخلي جبين الحر ينداله
ياناس يا ويل من هذا زعيم له=الشعب في وضع يرثي سفله ويرثاله
شعبن شرب كرة واكل كرة كرة اله=يتفل على صرتها ويدوس تمثاله
تبت يدى بولهب تبن وتبله=والي معه باحطب للقوم حماله
مقبل على طبختباحيل تعمله=يوخذ بها الثار والثورة اتسواله
حتى نسيبه ولد خاله تحيله=لقمله الهيلوكبتر وانشدو خاله
الله ما يمهل الظالم ويمهله=وان طال به عمرن اخس شوي وارداله
صدام انا بنشدك وش انت حيله=مثلك في غبنه يموت وموته اشواله
ماعاد تملك من السلطه خبر لأله=خارج عن السيطرة دولتك منزاله
جمع اعضامك سوات مجمع الجله=واحرقبها مادرى بغداد برجاله
الجيش يرزح تحت ذل من الذله=والشعب مسكين تضحكله وتغتاله
وايذاعتك ياسويد الوجه منشله=ماعندك الا يالاله يا لا لاله
اتي بله اسمعك زين اي بله اي بله=واليا تبين عدو بنه وحناله
ماتدري انا نقعد الحبل وانحله=باليسر والعسر حلاله وفتاله
انعكف الصعب ثم يجيك مزين دله=ابيه ما يشتكي عرقوب جماله
ما نقتنع في الهجاد نصبح الحله=مع الغطاليس رجليه وخياله
والدار ما هي بيا صدام محتله=ما تسعمرت قبل حكم العوود واعياله
الفهد تخسى عنه منتا بقبيلن له=وطى برجله على عالبك بنعاله
منته بكفوة ولا شرواك كفو اله=الفهد يكرم عن المشبوة وامثاله
الفهد عز العرب والعرب عز اله=وكم دوله تستغيث المال من ماله
العادل العدل والاسلام سرع اله=والبيعت المسلمين البيعه اولاله
ولا انت مشبوة لا مذهب ولا مله=مقطع اربع تطيح بكل محباله
من ما بضلك تخدم الشعب واتضله=مفسد ويدعا عليك والفهد يدعاله
وين انت يلي ال هل عذرى تكحله=يقوم لعيونها واتشوم لفعاله
من طيب ابوها تبى وصفن حلي اله=يغلط على شوفت البارود وامثاله
ابيك في لازم قدك وقد اله=قمر عرب سات يبراك وتبراله
امر شروري وخلك مستعدله=ما انت مراسل تجي وتروح برساله
عندك مهمه وقلبك ما برد قله=جدول مسيرك تعرف العام مدهاله
اركب على الي قنابلها من السله=امكبرات الصور في الجو جواله
اخذ المدرج وتل ابريكها تله=واخفق تقل كدرين ال مقياله
حدد مكانه بتل اسكوب وانزله=انزل رويدا ارويدا واكبس الاله
حربيت من عالي السوده تسلله=تسللت من جة عمان واجباله
جاته من الغرب عبر اجوى صديقله=تجمل على متنها حزنه وسلاله
ترسم هدفها على الليزر وترسله=اشارة الظبط والمبرى تهايله
ما تعرفعه ما تحمله مترين واتهله=مع ذرة الشمس في قصرة تحماله
تعطيه ضربه تدك القصر بافله=والشر فاله وافال اله ولا فاله
من شده الانفجار اقوول بسم الله=تهتز الاهواز والبصرة بزلزاله
في سبع الارض يحفر اله ويدف له=من تحت الانقاذ والانقاذ ما شاله
ياخذ سنه يلتهب قبوة كما المله=يذوبه صنقل الساعه وسلساله
ثم خل غيرة يشوف ويعتر خله=والي يبا مثلها في الحال تثناله
الضعف ما حطه الطيب سبيل اله=وجد قيل مما يعيل تجيه عياله

[/poem]