أمسيت في بحر العشاشيق سباح
اتخايل احلامي وماضي سنيني
إلين شفت اللي خذا القلب وجتاح
مهره تقول السر بينك وبيني
اتشكلت بأشكال وألوان في ألواح
والذاكره مستفحل بها ونيني
قلت اسمع اللي عقب مارحت يا صاح
مارتاح في عيشته وامسى حزيني
صيح على فرقاك والصوت قد باح
صيحة اخو في ثار اخوه الدفيني
قال ت هلا والورد من صوتها فاح
انا نسيتك ونت باقي تبيني
قلت ارحب ارحب ياعسى ايامك صحاح
يالله تحيي من يلبي حنيني
قال اسمع وماراح من حبنا راح
ذلحين متزوج وأداري جنيني
قاطعته بلا حس..وأخرجتها آح
من هالزمان اللي مشيب بعيني
وين العهود وين معسول الارواح
اللي تمديله حبال ويديني
وشلون بعتي من بها العلم قد طاح
وفي اي دارن صار وفي اي حيني
واقفت ونا من هول ماقالت اطفاح
امبرقعات الصقر قبل الهجيني
حتى خيالي ماهنا لي ولا لاح
الا بهمي..والمشاريه فيني
العين تذرف دمع والرآس مرتاح
يامن يرجع لي بقايا ضنيني
حاصل على ترخيص من وزارة الثقافه والاعلام السعودي
ahbbha
العرض العادي
