قصيدة الشاعر عبد الله بن هارب العجوني بحفل الشيخ محمد بن عبيد العجوني

قصيدة مههداه للشيخ / محمد بن عبيد العجوني الرشيدي بمناسبة الحفل
الذي أقامة تكريماً للشاعر حماد الخريصي الشمري بمحافظة المجمعة
يوم الخميس الموافق 9/2/1432هـ
[poem=font="simplified arabic,7,white,bold,normal" bkcolor="transparent" bkimage="backgrounds/36.gif" border="solid,9,darkred" type=1 line=0 align=center use=ex num="0,black""]
ماهــي غربيه على محــــمد وعاداته=الطيب يأهل الوفا واهـــل المواقيفي
ما قول قــولٍ ياغــــير اثبت لك اثباته=ماهو من اللي يحـــسب للمصاريفي
عزمه قوي من فضــــل ربي ومداته =يفرح لياشاف في بيته لفى الضيفي
وصاه عــــــــودٍ وراح وقام بوصاته=فعله يشــــــرف وذكره فيه تشريفي
الحــر يعـــــرف وفعـله وقــت هداته=والمرجلة ماتــــبي رعديد وضعيفي
تبغا رجــــــــــل بالمعالي دوم وقفاته=يرقى لها راعـي الطاله على الكيفي
شرواك ياللي على الطــولات هقواته=يامحمد عــــــــبيد يابعيد المناكيفي
الطيب يزهــــــاك ويــرفع لك تحياته=والمرجـله من رجال الطيب ماتعيفي
اقولها و من بغــاها يــسوي اسواته= حقائقٍ مابها شــــــــــــك وتحاسيفي
من لابة كان زاد الوقــــــــت شداته=افعالهم تنــــعرف مـــن غير تعريفي
عجاونه من قـــــديم الوقت وازماته =ربعي بوقـــــت اللوازم فعلهم شيفي
عز الصديق ان شكى وقته وميلاته=البيض ترفع لهم باعـــلى المشاريفي
ساس المراجل رجال الطيب ودهاته=اهل الكرم والوفاء والرمح والسيفي
بني رشـــــيد ان ذكر للطيب راياته=عزالخــــوي مكرمين الجار والضيفي
من طيبــــــنا وفعلنا ينسى قراباته=ودخـــــــــــيلنا يامن ولا يلحقه حيفي
والحرب بالمعركة نعــرف مجالاته =عبس العــــــــريقه مفرقة المواليفي
الطيب باهــــل الوفا تقوى علاقاته= وكل القبائل لــــــهم بالمجد تصنيفي
كم واحـــــدٍ سجل التاريخ بصماته=في حاضر اليوم وماضٍ فعله يخيفي
وقبل تحيات مـــــن يهديلك ابياته=يا محــمد عــــــــبيد يابعيد المناكيفي [/poem]

الشاعر / عبدالله بن هارب بن عجوين الرشيدي