يامرحبـا ترحيـب وافـي وملـيـان
ترحيـب وردف مـن وراه التحـيـه
ماهل وبل (ن) وستقت منـه الاوطـان
وماذعـذع الغربـي صبـاح وعشيـه
حياكـم الله عنـد وافـيـن الايـمـان
بيت الكـرم بيـت النفـوس الرضيـه
عند البويدي مـن حلاحيـل شجعـان
اهـل السلـوم الطيـبـات الزكـيـه
دعوتك عندي ياسعـد اخـو سلطـان
ماكنهـا الايــوم عـيـد الضحـيـه
شاعر حضرت احمل من الشعر قيفـان
ومشارك اهـل الطيـب حقـن عليـه
لي الشـرف بمشاركـة ربـع لوفـان
رؤس الرجال اهـل العـزوم القويـه
اهل الخيـول مطوعـت كـل طغيـان
بالسـلـم ولا بـالـدروب الشقـيـه
من رؤس عبس مرجحت كـل ميـزان
وسامـة الكـفـه بفـخـذ المطـيـه
يوم انها بالرمـح والسيـف فرسـان
افعالهـم مـاهـي عليـكـم خفـيـه
تلقالهـم فـي ساحـة المجـد ميـدان
خيـال منهـم يحتمـي لـه سـريـه
ربع (ن)لهم في قمة المجـد مسكـان
فعولهـم عـن مـدح مفلـح غنـيـه
عليق قبلي قال فـي بـدع الا الحـان
شهـادة(ن) تبقـى السنيـن المـديـه
نامـوس واللـي حصلـوه الـقـلادان
هـذا كـلام اعليـق زبـن الونـيـه
شعر (ن) جميل وقيل في ماض الازمان
مـورخ(ن) فـي ساعـة الجاهلـيـه
وفيهم رموز(ن) تكتب الشعـر تيجـان
شعر(ن) مصفـى بالحـروف النقيـه
محد(ن)جهل من حول الشعر ريضـان
اسقـاء القلـوب المعطشـه ببرديـه
عيد بن مربح وخـو سلمـى سليمـان
والمستشـار رشيـد رمـز الحمـيـه
مثل الجبـال الشامخـه بيـن شعبـان
اهـل البيـوت المفـردات الطـريـه
ولاخير في قول(ن) على غير برهـان
ونكنـت مخطـي سجلوهـا خطـيـه
حاصل على ترخيص من وزارة الثقافه والاعلام السعودي
ناموس واللي حصلوه القلادان
العرض الشجري