صوت من الشاعر صالح منصور وصدى من الشاعر عايض بن جوهر

صوت من الشاعر صالح منصورالعجوني وصدى من الشاعر عايض حامد بن جوهر العجوني

تل قلبً هواجيسه تتل اقصاه=تلت الحكم من صدام بغدادي
كل مأقبل سواد الليل تل ارشاه=من هواجيس جنح الليل ورادي
هيت قلبي وعيا هاجسي يرواه=لين حالي برا من قل مرقادي
تقل بيني وبين النوم يوم ابغاه=مثل جنب الطويل الشامخ البادي
ضلعً ابدا من طويق الخطا ترقاه=كل مأخلف لذيذ النوم ميعادي
كن ساقي ليا مني رقيت اعلاه=خطو ذيبً لحقه الموت للوادي
النهار امكنه والليل ماعشاه=والشواوي عليه تصيح وتنادي
يورح الملح واطشاش الرصاص اعماه=يوم يخطيه فالصوان صيادي
ماحصله سلامه والخطر ينحاه=والبلاجيك عنه تزم وتقادي
يابن جوهر صواب الذيب من يرفاه=يوم زبن صوابه روس الاشهادي
الذايبه ماتضمد ياعقيد دماه=لو علي شان حتي الملح والزادي
ليت حالي ماهو حاله ولا حلياه=وافرق اني رفيق عيال الاجوادي
صاحب الجنب وسط عيونهم ملفاه=مايكنون منه اضغان واحسادي
ريف الاحيا هل النوماس واهل الجاه=عبس عبس الفخر واعلام الامجادي
ويابن جوهر سلام الله عليك اقراه=واقبل اختاهما بالمسك والكادي

******** type="text/**********">doPoem(0)***********

رد الشاعر عايض بن جوهر

ياهلا مرحبـاء بالـي رسـم معنـاه=من هجوسٍ تحضر وتبعـد المـادي
مثل وبل الخيـال الـى تنثـر مـاه=لاح بـراق ورزم صـوت رعـادي
ودلهـم الخيـال وزاد مـن منشـاه=وذعذع النود غربـي والمطـر زادي
وكل وادي طغاء سيله على مجـرآه=والبـرد لبيـض القيعـان جــلادي
والبـدو يسمعـون بذكـرة وطريـاه=من نزوله شهـر والنـاس نشـادي
وانت طعني ليطـاح الحيـا تنصـاه=وتنقـل العلـم للحاضـر وللـبـادي
وان وصلته تبي تبعد عن المضمـاه=ما بـدار الدهـور الجـرد مقعـادي
وصلني علمك الـى مختلـف مبـداه=والهواجيـس سـردادي ومــردادي
يابن منصور من صاب الهدف مخطاه=والنظر في صواب الذيـب ينعـادي
جاوب الذيب ذيـب بجرتـه للعـواه=ول لاعاد صـوت الذيـب لاعـادي
من وصل للخطـر ماقـول وش وداه=ادري انه حداه مـن الزمـن حـادي
البنـادم مسيـر فـي حكـم مـولاه=يالله اكتـب لنـا التوفيـق يالهـادي
جعل راع الوفـاء ماتنكسـر يمنـاه=كاسب الطيب من تاريـخ الجـدادي
انت من قوم فعـل وماقـفٍ تحمـاه=اهل سنان واهـل عنـان وشـدادي
الختـام التحيـة جـاتـك مثـنـاه=لك عبـر قلعـة التاريـخ تنعـادي

******** type="text/**********">doPoem(0)***********

صح لسان الشاعرين
وبيض الله وجهك يابو نايف
على النقل

صالح المنصور من الشعار الشباب المميزين عندي
وله نهج خاص يميزه عن غيره من الشعار الحقيقه اني اعرفه عن قرب
حيث انه شاعر ليس عليه عتمه ويمزج بين الحداثه والتقليدي بشكل غير مسبوق
ويستطيع ان يكتب باللغه العربيه الفصحي ولكنه يبخل علينا بقصايده العذبه
ولي عنده طلب قصيده بالعاميه وقصيده بالفصحي غزل
كما اني اشكر الشاعر عايض بن جوهر علي المجاراه الجزله
وتقبلو تحياتي وتقديري
اخوكم/ سعود العجوني

صح لسان الشاعرين
وبيض الله وجهك يابو نايف
على النقل

محاوره جميله

المشاركة الأصلية كتبت بواسطة سعود العجوني

صالح المنصور من الشعار الشباب المميزين عندي
وله نهج خاص يميزه عن غيره من الشعار الحقيقه اني اعرفه عن قرب
حيث انه شاعر ليس عليه عتمه ويمزج بين الحداثه والتقليدي بشكل غير مسبوق
ويستطيع ان يكتب باللغه العربيه الفصحي ولكنه يبخل علينا بقصايده العذبه
ولي عنده طلب قصيده بالعاميه وقصيده بالفصحي غزل
كما اني اشكر الشاعر عايض بن جوهر علي المجاراه الجزله
وتقبلو تحياتي وتقديري
اخوكم/ سعود العجوني

لاهنت يابو سالم علي هالكلام الطيب
والحقيقه انك اخجلت تواضعنا ههه لكن من غلاي عندك الله لايغلك وبيض وجهك بالدنيا والاخره تشوف مامثلي احد ههه
وبالنسبه لطلب غالي والطلب رخيص يابو سالم علي شان خاطرك وخاطر منتدي غازي البراك واعضاءه اقدم لكم قصايد ترا النور لاول مره عبر سماء هذا المنتدا الشامخ وتقبلو تحياتي وتقديري

ياليت قلبي من سوياك يرتاح = يازين والا تنتهي هالعلاقه
اشغلتني مابين جيه ومرواح = واوثق هواك القلب واحكم وثاقه
منيتني كذبه واحطيت لي اجناح = لين السما فتق لجنحي رواقه
كيف الكواكب جاملتني بالفراح = وشلون جاريت الهوا واصطفاك
اثرك معلقني علي حبل مرجاح = ياليت منهو تاصل القاع ساقه
ليتك تثبتني علي الارض برماح = والا تسلمني زمام العشاقه
همس الغلا ياقرة العين طراح = في قلب من سقوا نباته وذاقه
طال الهوا غصنك ولا زلت شحاح = واسمع صدا صوتك وشوقك شفاقه
مدري وش الي يجبرك كل مصباح = انك تناجيني بذوق ولباقه
حيرتني والغيب مافيه مفتاح = ولا بجدار الغيب يازين طاقه
وان كان مال الهجره ياشوق مذباح = اقول وش رايك ننهي العلاقه

******** type="text/**********">doPoem(0)***********


اخواني الاعزاء
قصيدة الفصحا تعتمد في انسياق الاحان علي التنوين والضم والفح اعتماد كلي
لذالك سوف ازيد بعض الحروف في نهايته الشطر حتي يسهل عليكم قراءته بشكل الصحيح

لاعمرك ماكان الزمان بعاذل ن = هواك وماكان الفؤادو بغافلي
الم تعهديني في هواك متيم ن = الم تأخذي مني بغير مقابلي
الا ان قلبي وجميع جوارحي = بغير هواك تستقيلو وتعطلي
وعن مقلتيك لا اطيق دقيقة ن = فراقا ولا ابدي لذاك تحملي
فأن شاركوني في هواك محبتي = فكيف اذود عن هواك مقاتلي
ففكي وثاقي واشهدي لي شهادة ن = فأني كريم ن للنفائس باذلي

******** type="text/**********">doPoem(0)***********

الاخ العزيز
ثويمر العجوني
بيض الله وجهك ياسنايدي عساك ذخرن دايم ولاهنت

والشكر موصول لجميع من مر علي القصيده وصح الله ابدانكم
ولاهنتم علي مروركم الرائع

صح لسان الشاعرين
وبيض الله وجهك يابو نايف
على النقل

قصيده جميله ورد اجمل
تقبلو مروري