قالو علامك قلت ضايق و طفشان
وفي وسط صدري موقدٍ لي و قيده
هليت دمع العين من فوق الاوجان
على فراق اهل الخصال الحميده
قالو قريبك قلت ياليتنا أخوان
مدامنا إخوان شرع و عقيده
يا فهد دام لك عندنا شان
وابوك عزالجنب يظهر حفيده
قرمٍ يجازي اهل الاحسان بحسان
من روس عبس اهل العلوم السديده
الله يرحم من وقف و قفة إحصان
من دون ربعه بالقديم و جديده
اللي بناله بيت في حي صديان
للضيف و العاني على ما يريده
ابو عبدالله عون من عان و معان
بنك الكرم مايوم غلق رصيده
اللي عطانا من عطاء ذرب الا يمان
واللي ليامنه قل رزقك يزيده
رب السماء والارض والانس والجان
الواحد اللي كلبونا عبيده
يابن محياء مانزل دمع الاعيان
الا على زيزوم قوم و فقيده
ياكم و كم قرمٍ دفن وسط صديان
ولليوم ذكره بالفكر نستعيده
ونذكره لامنه غشى الجو دخان
وشفنا القريبه بالزمن و البعيده
هذا وصلى الله على نسل عدنان
شفيع الامه و مسطفاها وسيده
الشاعر/
نايف بن دكيم
حاصل على ترخيص من وزارة الثقافه والاعلام السعودي
محياء خليفة العجوني مرثية لشاعر / نايف دكيم
العرض المتطور
