--------------------------------------------------------------------------------
غازي البراك
شرهتك يابو متعب فوق هام السحاب
لكـن النـاس ماشيتـن بقانونهـا
انت لو كان تدري بالخطا وصـواب
كـان ماجيـت سايقهـا بطبلونهـا
عبدالرحمن خضير
شرهتي مالقت يالربع منكـم جـواب
ميـر هـذي سواليـف تقولونـهـا
اعرف الصح واحذر كـل حيـه وداب
وهرجت الناس عارف ويش مضمونها
غازي البراك
ابو نشمي توسط لك عزيز الجناب
وانت تعرف صديقك ماوقف دونها
انت عجزان تدفع يوم جاك الحساب
كان عجزان عندي وتركو شونهـا
عبدالرحمن خضير
الشبابي يصفق مع فريق الشبـاب
مثل من حـط جمرتهـا بغليونهـا
من تبين بثوب وثوب عكس الثياب
يوهم الناس صاحيهـا ومجنونهـا
غازي البراك
كيف تترك قراح الماء وتبغا السراب
طيع شـوري وشـره لاتمرونهـا
شايب (ن) تو مافكر بكاس الشراب
يطرد البنت يبغـا يمسـك قرونهـا
عبدالرحمن خضير
نعلن الحرب ولا تعلن الانسحاب
لاتعدا على الدولـه وقانونهـا
عيش دنياك حر ومرجعك لتراب
وصلح النيه الي مختلف لونهـا
حاصل على ترخيص من وزارة الثقافه والاعلام السعودي
محاورة عبدالرحمن خضير وغازي لبراك
العرض الشجري