ياللي غيابك طال وبحقي اخطيت
هذا شهر ماشوف للوصل نيه
ان كانها اسبوعين لكن تماديت
في غيبتك كنك موصى وصيه
لعبت بأعصابي ولا قلت مليت
لاراح يوم اقول باجر مجيه
الله ياني في غيابك تحريت
اثر المفارق صعب ماهو شويه
عقبك مشاويري من البيت للبيت
اخاف اليا دقيت ماني اهنيه
عانيت انا في غيبتك حيل عانيت
يابغضني للبعد ولا رحم حيه
هذا شهر واشلون لو انك ابطيت
والله لتلقالك هنيـآ ضحيه
البارحه مابين يمكن وياليت
وابليس يتركني ويرجع عليه
فكرت لو طول غيابك ولا جيت
يعني كذا روحه ومن غير جيه
خانتني الدمعه وطاحت وصديت
ملعون ابو التفكير يذبح خويه
وتقبلو تحيااتي
اخوكم بو عزيز
حاصل على ترخيص من وزارة الثقافه والاعلام السعودي
وبحقي اخطيت
العرض الشجري