الاستاذ // عبدالله بن سند
السلام عليكم ورحمة الله وبركاتة ::
اخواني وأخواتي اعضاء زوار موقع الجميع الكرام اسعد الله مسائكم بكل خير ومسرات::::
الجميع يعلم بأن الأستاذ / عبدالله بن سند البراك ابتلاة الله بمرض ادخلة في غيبوبة منذ مايقارب السبعة اشهر نسال الله ان يمن علية بالشفاء العاجل انه سميع مجيب وان يلبسة ثوب الصحة والعافية عاجلا غير اجل آمين آمين ::
يسرني ان انقل لكم هذه القصيدة برجل اثبت وجودة
اجتهد بإرضاء الجميع من ابناء قبيلة بني رشيد ومن
ابناء القبائل الأخرى والأستماع الى مشاكلهم وحلها بكل
رحابة صدر وبكل ثقة انه رجل مواقف ورجل اخلاق رجل
يكن له الجميع كل التقدير والأحترام وقف وقفة الرجل
المخلص لدينة ولوطنة ولأابناء قبيلتة ::
اية الأعضاء الكرام وزوارنا مهما نتكلم ومهما نكتب بهذا الرجل لانوفية حقة بالمدح ::
يالله يامحيي العظام الرميمات = يفارجن لاأيوب مما يعانية
يامنجين يونس وموسى لنا آيات = ياخلقن خلقة وعالم خوافية
يافارج الكربة بديع السموات = ياقادرن تفني عبيدك وتحيية
أدعيك بسماك وصفاتن عظيمات = تشفي مريض(ن) ماله الإ انت تشفية
وتعيدله وعيه ويرجع كما فات = في قدرتك يالله قادر تعافيه
بمرك ترده سالمن للبنيات = وعياله اللي بعد رجواك ترجيه
وربعن على شوفه تسوق البشارات = متأملين برحمتك ماتخليه
ندعي وتدعيله جموعن غفيرات = غير الدعاء مافيه شين نسويه
لأبوسند لوالجمايل كثيرات = ياطيب فزعاته وياحي طاريه
أن اشهد انه عز مابه مروات === ماصك بابه دون خدمة بنيخيه
كم واحد بلشان وسط الممرات = ودخل علية أمكتبة واحتفى فيه
ونجز معاملته بنفسه وبسكات = مامن في طيبه ولاغث ناصيه
ياصل مواصيل على الغير صعبات = له هيبه وتقديروالكل يغليه
ولاكبرت القاله وجابه متاهات = وتشاوروا بالراي وحتارراعيه
يلفون عبدالله كثيرالعلاقات = لاقام قام ويسر الله مساعيه
ويحلها في كل عرف وسياسات = يرضي بني عمه ويزعل معاديه
ولاجابوالعربان طاريه بالذات = يقال نعم(ن) فيه والطيب زاهيه
يومن خطواللآش راع الدعايات = ماينتفع منه ولاأحدن يدانيه
لويمسك المنصب ودارالأدارات = مجهول لينن الكراسي تخليه
هذا الوكاد ولايبي له دلالات = والمرجله صعبه وصعبن
مماشيه
ولوكان يرصد للمراجل علامات = لله دره ياسند من يضاهيه
أبوك مثله نادرن بالجماعات = فخر(ن)لنا ياعل ماالعين تبكيه
ماتحتوي مدحه قصايد ولاأبيات = والله ثم والله ماني موفيه
معروف يومن الموارد شحيحات = واقف لربعه واثقن من خطاويه
وسجل لنفسه بصمتن وأنتصارات = ومجد تليدن يعجز الوقت يمحيه
واكبر دليل شفت فيه المعانات = لاجيت بالأحوال ضاقت مبانيه
وشفت الفراغ اللي ترك في ضيقات = والمكتب المصكوك وطياف راعيه
ورفع يديه بالدعاء وسمع اصوات = تقول مع آمين يالله تشفيه
******** type="text/**********">doPoem(0)***********
تقبلوا تحيات شاعر تذكر شخص عزيز الى قبله
انه الشاعر والأستاذ / تركي بن غلاب البراك
نسال الله بأسمائه العلى وصفاته ان يمن الله على ابوسند بالشفاء العاجل ويلبسه ثوب الصحة والعافية
انه ولي ذلك والقادر علية ::
نشكر شاعرنا وصح الله لسانك يابو وجد وكفيت ووفيت
اخوكم / سعود البراك ::