يافارج الشدّات عفوك ورحمتك=ياللي خلقت الكون دقه وجلـّه
فزعتك يا عـلاّم الاسرار فزعتك=ما غيرك احدٍ نلتجي فيه للـّه
سجدت لك واطلبك في جاه عزّتك=تغفر (ليوسف) تحت عرشك تظلـّه
اغفر ذنوبه واسكنه خلد جنّتك=واجبر عزاء من فقد يوسف يملـّه
يا غازي البراك ما كبر مصيبتك=اصبر على جور الدهر واحتملـّه
دمعة محبينك تسابق لدمعتك=ومصابنا واحد على كل ملـّه
مالك عن اللي كاتبه في صحيفتك=رب البشر ومصرّف الكون كله
كم واحدٍ عايش فتكه المرض فتك=وكم من صحيحٍ مات من غير علـّه
ادع ِ ليوسف في ركوعك وسجدتك=تزداد حسناته بصفحة سجلـّه
احسن عزاك الله ومدد بصحتك=والهمك صبر ايوب في محنتلـّه
هذي تعازي صاحبك من معزّتك= الضبط كن اللي حصل لك حصلـّه