موقع الشاعرغازي البراك موقع الجميع - عرض مشاركة واحدة - تحليل محاورة الشاعر سعود العجوني والعاقل1
عرض مشاركة واحدة
 
قديم 05-02-2012, 02:03 AM   رقم المشاركة : 1
شاعر ومشرف ميدان المحاوره
 
الصورة الرمزية ذيب الغداري




الحالة
ذيب الغداري غير متواجد حالياً

ذيب الغداري is on a distinguished road


 

افتراضي تحليل محاورة الشاعر سعود العجوني والعاقل1

بسم الله الرحمن الرحيم

اعزائنا متابعين موقع الشاعر غازي البراك اجتهاد شخصي من قبلي في تحليل الطاروق الرائع الذي حدث بين الشاعر الكبير سعود العجوني والشاعر العاقل ولايعتبر هذا فيصل بالمحاوره وانما هو رائي يحتمل الصواب والخطا ننتظر ردودكم وتعليقاكم والمعنى كماقيل عند شعرانا الافاضل



سعود العجوني


اتوكل وبتدي بالتحيه والسلام== ان دخلت بمعركة قوم ولا ملعبه

بدايه قويه ورائعه من الشاعر سعود تخللها لغم موقوت

اتوكل وابتدي بالتحيه والسلام متى يكون هالسلام

ان دخلت بمعركة قوم ولاملعبه يقول الشاعر سعود انا اسلم اذا دخلت معركة قوم ولاملعبه وبذلك لن يسلم اذا كان في منتدى ههههههه وانا اسلم اذا كان في حرب ولاملعبه فيها صفوف


ون دخلت المنتدى ماعلى راسي ملام= كل شاعر باخصن وش نحاسه وذهبه

بيت ثاني قوي وهو اني اذا دخلت المنتدى اعرف الشعار كلهم واميز بين الشاعر القوي والضعيف

بيتين قويات محبوكات بمعنى الكلمه




العاقل

مرحبابك يالمسلم عدد وبل الغمام = والوفا ماتجهله والخطر لاتقربه

هنا في رد العاقل يبدو انه لم ينتبه للغم وهو ان سعود ماسلم ولكن العاقل رحب وامتدح سعود بانه وافي

مع العلم ان الشاعر اذا سلم يرحب فيه واذا لم يسلم لايرحب فيه ولكن العاقل من وجهة نظري لم يوفق في هذا البيت

مانلومك دام تمشي على حسب النظام = ولك عميلن عارف ن مكسبك من مكسبه

نقض من العاقل بقمة الروعه وهو انك ياسعود دامك تعرف الشعار وتميزهم تعرفني زين اني عميلك وند لك ياسلام على النقض




سعود العجوني

لا ترجا الاوله لحقت اسراب الحمام== اطلق اللي تطلقه وقضب اللي تقضبه

هنا تاكيد من سعود العجوني على كلامي ان اللغم راح عليك يالعاقل ولايمديك ترده لكن انتبه بالجايات ومع تحذير سعود للعاقل الا ان كلمة اطلق اللي تطلقه واقضب اللي تقضبه هي لغم ثاني ايضا

الزمن هذا بلاني وانا شايب تمام= يتعب الشايب على الورع ويضيع تعبه

هنا سعود يشير الى انه شاعر كبير بالعمر ومحترم وايضا اتعب على الشاعر الصغير واعلمه الشعر ولكن يضيع تعبي كل مره

وهنا يشير سعود الىانه في مقام الشايب وان العاقل في مقام الطفل الصغير الذي يسعى بتعليمه ولكن دون جدوى من هذا التعليم

الله الله على الابداع




العاقل

من يشيل البندقيه ولاعنده حزام = ياسعود اقرب من شروق شمسه مغربه

هنا رد قوي من العاقل وهو انك ياسعود تشيل فوق اسمك شاعر ولاتملك شعر واذا استمريت بهالطريق سوف تقرب نهايتك

الرد هذا على قوته الا انه خروج عن معنى سعود وهو ان العاقل طاف عليه اللغم فالعاقل لم يرد على بيت سعود

انت شيبك الزمن وانت في سن الفطام = والولد لاجاك لازم يحطك بشنبه

يقول العاقل انت لاتحسبنك كبير بالعمر وانما شيبك من كثر البلاوي اللي مرت عليك

ومع ذلك اذا جاك شاعر اصغر منك يستطيع التغلب عليك
وهنا يقصد العاقل بالولد نفسه اني اذا جيت اتغلب عليك ياسعود والبيت هذا ملغوم يحطك بشنبه




سعود العجوني



لاتوصي صايد الهيم في واد الهيام== ون لقيت اشعيل من دون راعيه انهبه

هنا سعود يرد بقوه ويقول لاتناقشني بالشعر وانا اذا جيت الناس الهايمه بالشعر في اتغلب عليهم وانت لالقيت شاعر ماعنده سالفه لاترحمه خلك مثلي


من لقينا جرته وختفى بين الجهام= لو يقولون احسبه قلت يبطي محسبه


هنا سعود يقول من هو اللي يخاف لحظة الماقف ونشوف اسمه ولانشوف حضوره هنا سعود يقصد العاقل اني اشوف اسمك ولاشوف حضورك ياللي تقول انك تغلب علي واذا قالو الناس احسب العاقل ضمن الشعار قلت يبطي مستحيل احسبه




العاقل

كان هذي صيدتك مابقى عندي كلام = كيف جنبت القفر والفياض المعشبه

هنا العاقل يقول كان صيدتك الناس الهايمه بالشعر بالمنتديات حسافه عليك وشلون تركت الشعار والملاعب ورحت للمنتديات اللي مافيها شعار

وبنفس الوقت العاقل يقصد انك انت ياسعود تصيد المستشعرين وماتقرب الشعار

تالي الايام يمك كثر رمي السهام = وراعي المزهب لقيناه فاضي مزهبه

هنا نقض ميه بالميه وبروعه وبيت محبوك هنا يقول العاقل ياسعود انا موجود لكن انت اللي غايب والناس تتهمك بالغياب وسبب هذا الغياب انك ماعندك شعر تجابهنا فيه ياسلام عليك يالعاقل





سعود العجوني

انت لو تفهم كلامي عطيناك الوسام= ماستحقيت التقاعد بنفس المرتبه

هنا سعوديقول لوتعرف اني ماجيت اتصيد الا الناس اللي مثلك ماطلعو وجابهوو الشعاركان انتهى الموضوع بينا

وانت لونك شاعر معروف مابقى حالك كما هو عليه محد عرفك


ليش اقول ارتاح والطق بالميت حرام = الحقايق بينه وكتب اللي تكتبه

هنا سعود يقول الناس تعرفني وماهمني اللي تقوله وانا ليش انصحك ترتاح وانت ماتحس بالطق فيك مثل الميت




العاقل

انت من زود الزعل كن مابحلقك عظام = مير محلا طلعت البر حول الدبدبه

هنا العاقل يرد ويقول انت ياسعود مقهور مني تقول مابحلقك شي يسد جوعك

وهنا اشاره الا انك ياسعود زعلان تقول مابفمك عظم وهذا بيت ملغوم ومعروف اللي يسد زعله العظم

ويقول العاقل محلا التمشي عندكم بالدبدبه احسن من بعض السوالف

لويموت سعود ماقول جعله للرحام = كان مايعرف الفوارق قبل عرف الشبه

هنا العاقل يقول ياسعود لوتموت محد ذاكرك ولاني قايل الله يرحمك لانك تعرف انك ماسويت شي بالشعر




سعود العجوني

لاتمر الدبدبه والشهب الذيب بسنام== استريح بحرة النار والرب الطلبه

هنا سعود يقول انا ذيب لست من يسد جوعه بعظم وانت خلك بغيضك ولاتمرنا نتعشاك رد قوي

لو يموت سعود لدتبك عيون الانام== العيون الحاقده والعيون المعجبه

هنا سعود يقول اذا مت انا يطلع صيتك بين الناس مابين ناس يمدحون شعرك وبين ناس يذمونك نقض بقمة الروعه والابداع



ختاما يبقى ماقلته اجتهاد الشخصي والمعنى الحقيقي عند شعرانا الافاضل وهنا رابط المحاوره منسقه دون تحليل








من مواضيع في المنتدى

التوقيع :
تعلمت أنه


لا ينتهي المرء عندما يخسر ؛

إنما عندما ينسحب
آخر تعديل ذيب الغداري يوم 05-02-2012 في 02:11 PM.

رد مع اقتباس