موقع الشاعرغازي البراك موقع الجميع - عرض مشاركة واحدة - محمد المـــويزري ... قصــائد ... مقتطفات شعــرية ... تـــواقيـــع ...
عرض مشاركة واحدة
 
قديم 12-22-2008, 06:39 PM   رقم المشاركة : 3
صـــاحب المـوقـع
 
الصورة الرمزية غازي البراك





الحالة
غازي البراك غير متواجد حالياً

غازي البراك is on a distinguished road


 

افتراضي رد: محمد المـــويزري ... قصــائد ... مقتطفات شعــرية ... تـــواقيـــع ...

" العقــــد "



الـعـقـد بــــه لـولـوة ولا الـبـقـيـة خـَــــــــــرَز=تقـــراه عيـــــن البخيـــص ولا قدره الجهــول
مـــا شــالـــه إلا الزمـــن والحظ لامـن بـَــرَز=هيـّـالك المستحيـــل وصـــــار كفـّك يطــــول
هـذا من الحسنّ كــلّ و بالعيــــون انفـَــــرَز=بقلـــــوب عشــاقه وبكفـوفـهم والعقــــــول
اللي ســـواته غني من دون عــذر ومَـــــرَز=يغريـــك شوفــه ويجبرك لجمـالـــه تقـــــول
ليــــه الرماح احـتـمـت رمـّـانها والكـَـــــــرَز=فيــــها من الشهد ما يروي ضــما كـل لــول
فرخ الشيـــاهيــن تــوّ الريــش فيـــــها دَرَز=لا تفــتر الريـــح جنحـانك وطبـعك جفـــــول
إليــا تقرّبت من صـــادق سهامــك غـَـــــرَز=بيــــن الحنـايــا من الرهـبـة حوافر خيـــول
قـالـت من الشمس قلت أنتي صعيدك جَـرَز=كل الكــواكــب آواخـرها غـــروب و أفـــول
أنتي سراب ٍ ليّــــا شارفتـــله مــا انحَـــرَز=قلـت اكـتـبـه والضـــما يفـداه عني عــذول
******** type="text/**********">doPoem(0)***********






" رمــــد الحــــب "



جاك صوتي طرب لو خافقي ماطـرب=بيـن حكـم الظـروف وبـيـن توقيتـهـا
ماعلـى الشـوق لا بيـن بعينـي عتـب=عيـبـي الــروح لا نــادت ولا جيتـهـا
عـادت العـيـن لا حـبـت تـحـن اللهب=مـــر فـــي مـوقـهـا لعـلـهـا وليـتـهـا
كان مالي حبيب إلا أنت بيـن العـرب=كـــل مـاهــب ذكـــرك دار مـريـتـهـا
حافظك عن عيون الخلق نون وهدب=وكـم طيـوف ٍ مـن التحنـان ضميتهـا
حالي الصـب لـك غنـا الغـرام وكتـب=ياصـلاة ٍ عـلـى الأصـحـاب صليتـهـا
رمـد الحـب ماباقـي بصـدري حـطـب=ماحشمت الضلوع اللـي لـك اركيتهـا
كنت احسبنك ارحم واثر ضلعك حدب=كيف نفسـك تعـاف مـن الكبـر بيتهـا
قـل شوقـي وذقـت النـوم بعـد التعـب=نفسـي إن رخصـوا الأحبـاب غليتهـا
دنيتك عن نحاس الناس تكشف ذهب=ولا أنـا رجـلـي امــن الـعـام سريتـهـا
******** type="text/**********">doPoem(0)***********




" جمــــرة الشعـــر "



ولعي ياجمرة الشعر من راس الغروب=كان غابت شمس الاحباب بامري ولعي
باقيا ً فالقلب طعنة من شتات الحروب=والرماح اللي روتني تبي تاكل معي
والعيون اللي تمادى على نزف القلوب=لاتخاف أن شق ميثاق شعري مطلعي
كن شمسي ماتضرت على ذل الغيوب=ماخذ ٍ من طيب حاتم وفتل الاصمعي
كم نويت اطفي لواهيب في صدر الهبوب=ساعة ٍ والغبن يرعى معالقي رعي
لا طرالي هاجس ٍ زف ريحه من جنوب=جيت اثر الورد فالدرب وابدي مطمعي
ذاك لامنه طرالي تقاصرت الدروب=غيرها منهو تجرا وسيل مدمعي
مرتوي من جوف عيني وفي عرقي يذوب =مسكنه بين الحنايا وسجان أضلعي
كل بيت ٍ قيل يفداه ماقلت محسوب=طفلة ً خلت ضلوعي وطن هم ونعي
لو يزيد الصد كيله بميزان الذنوب=مانقص للحب ذرة ليا زاد الوعي
لكن الوقت المزكا تباكره العيوب=كنه اللي يحتويني وكنه معمعي
الليالي حملها زاد واصبحت مغصوب =وأن تغلب في الاقدام أنا اقول ارجعي
حفظ ما وجهي هو اللي يخليني اتوب=خايف ٍ لا الد شوفي واجرح مسمعي
******** type="text/**********">doPoem(0)***********




" آميــــن "


بلجا محـــاجر ودعجا عيــن=وأرها من السيـــف حاجبها
والمبسم أفلج وضحكه دين=عليـه كـم عيــن تغصبــــها
تمشي مابين الدلع والليـــن=والأرض محدا ً مرطبــــــــها
فيـــها وقار وعليــها زيــن=والعـطـر حـــارس جوانبــها
هذا الرقيـــق الصغيـر منين=عيًــا على البــال مضربـها
اسم اللـــه ودعوته حاميــن=حتى تبـلًــغ مطالبـــــــــها
******** type="text/**********">doPoem(0)***********




" الغـــربة "


ينتابني مـن صـادق الشـــوق مــــــرات=مـا يثــلج الصــدر و يبـــدد همـــــــومه
لحظـات تـاخذني على بعض الأوقات=يوم إن بـالي هادي الفكـر يـــومه
لأحبـاب تمنعهم حــدود و مسافــات=وأصحاب ٍ ادنـــاهم تنـومس علـــــــومه
تجمعوا مـابيـــن شكوى ونـبـضــــــات=ليـــن استقـروا في عوالــي رجـــــومه
سـوالــف اسمعها بصدري وضحـكـــات=يفرح بـــها الجـــالي على غير قـــومه
مـالــي على ضيوفي معاتب وشرهـات=حلـــوا هـلا والكـل شـرف قـــــــــدومه
ليـــــلة سمر جبــــت قـديـــــم الحزازات=يـسـهـر لـــها جـفن ٍ جزع منـه نـــــومه
امــطر عليـــها حــروف وتنــــبت أبيات=تزهر جراهيـــــد الورق مـن وســـــومه
ريـــــاض وجنـتها قصــــيد ورحـابــات=خــالج عبقـها فيـــض نفسـي ولـــومه
فيـــها من القيصــوم و الشيـــح جنـات=وفيـها من شيـــــوخ النبــات وقرومـه
يلـقى بـها من يعـرف الشــوق لوعــات=و يحيـــط مغزاهـــا بغـزرة علـــــــومه
هـيــهات اجردها على الكل هـيــــهات=من لا ارتـقا مالـــي بـهــزة كـمــــومـه
عيـــــا جـمـلـهـا إلا الدروب الطـــويلات=ينــفـي خبـــث حيــرانها في سمـومـه
أمـــــــا مـقـاديـــم ٍ تبــــنا و ذريــــات=ولا يكـفـي من هـل الســوق ســــومـه
نيشـانــها نجــوم ٍ تقــــــود المجـــرات=و رمايــها صــابت مضـارب سهــــومـه
بيـــن ظــلام الليـــل عن بعض الأصوات=وعسـعس علي وغــارت أكبر نجـومـه
ينـتابنـي شـعـر وخـيــــال ومتـاهـات=اثــلـج بــها صـدري وابـــدد هـمــومه
******** type="text/**********">doPoem(0)***********


أول تجربة نثرية للشاعر محمد المويزري ...


"السفــــــــــر"


السفر...

هـــم وكـــدر
للعاشقيــــن...

والغياب
اللي بلا وقت وسبب...

أدها وامر..
في قلوب الصابريــــن..




ويـــــــن ودتك الليالي ياحنــون
انتظرتك ليـــن خانتني الظنـــون


مــابقــالي شي يجبر خـــاطري
غير ضحكة عايشة في نــاظري

أزعجت قلبي بشغبها..!!!


كيف ابصبر علميني
ليه غبتي خبريني....

يمكن اقدر انتظر!!!

واشوف من فينا يخون؟ .... آخر عذر



فرقتنا ســود الأيــــام ..... وأقـــــدار الزمن
مابقالي غيـر الأحــلام ..... وغيــــــابك ثمن


آآآآآآآه...

لاجــــــــاد الخيـــال
وجـــــاب طيفك في عيوني....وقمت اداري دمعتي
واخفي فبسماتي شجوني....


ودي ابكي وخــــايف أنك تزعلين ؟؟
في غيابك خاطرك عندي ثمـــــين...


ودي اضحك بس ويـــــــــنك ياحبيب ؟؟
كان دايم يعجبك ضحكي
قبل عني تغيـــــــب...



يمكن الطيف الحقيقة؟؟؟؟


هذي نفسي يارقيقة..دايم تعيد الأمل !!!!

حتى في أصعب لقا..
دايم تعيد الأمل !!!!


وابقا أنا والليل وطيوفك أهل......


((( كل واحد مننا خايف عليك )))




يتبـــــــــــــــــــــــــــــــــــــــــــــــ ـــع .....


[/B][/FONT][/SIZE][/COLOR][/CENTER]






من مواضيع في المنتدى

التوقيع :

سبحان الله وبحمده سبحان الله العظيم

آلَلَهُمَ لَكَ آلْحَمْدُ وَ آلْشُكْرْ كَمَآ يَنْبَغِيْ لـِ جَلَآلِ ؤَجْهِكْ ؤعَظْيِمِ سُلْطَآنِكْ
لا تقل لي شكراً
قل لي الله يوفقك


اخي الزائر الكريم حياك الله في موقع الجميع يشرفنا تسجيلك

التسجيل بالموقع متاح اضغط على هذا الرابط وسجل
http://www.gazialbrak.com/vb/sendmessage.php


واذا لم ترغب بالتسجيل المنتدى مفتوح لك تصفح جميع اقسامه

واذا عندك مشاركه او طلب تقدر تشارك وانت زائر

اضغط على هذا الرابط

http://www.gazialbrak.com/vb/forumdisplay.php?f=36
تظهر عندك ايقونه مكتبوب عليها موضوع
جديد اضغط عليها يظهر عندك مربع
حط عنوان الرساله وضغط اعتماد
حياء الله الجميع في موقع الجميع

نسأل الله تعالى أن يوفقنا وإياكم لما فيه الخير
والصلاح في الدنيا والآخرة



﴿ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ

رد مع اقتباس