قصيدة جديدة في وصف الشعر ويشرفني أن تنزل في هذا المنتدى
( الشـــــــــــــــعر )
سلام مالاح برق وهلت مزونه = من مدلهمٍ بتال الليل رعادي
مني على المنتدى واللي يزورونه = تحيةٍ صادقه من صادق افوادي
ودي اليا قلت شي الناس يقرونه = وأنا على مدة الجزلات معتادي
عن حال شعر النبط ياللي تعرفونه = ماودي انه يهينه كل سرمادي
الشعر لامن نقص وزنه ومضمونه = من قال هذا شعر هذا هو الغادي
الشعر بحره غزير ولايغوصونه = إلا هل المعرفه في فن وارشادي
الشعر احبه شعوري منه مسكونه = اعن له وانثني له طوع وعنادي
خصا اليا عرّضتلي بنت مزيونه = وتناوشتني بنجلٍ خرس و احدادي
اشب جمر المواجع فوق غليونه = حتى يغلا كيف فكري واشرب قنادي
مشاعرٍ صادقه بالروح مدفونه = يثيرها أحيان صوت البلبل الشادي
والطيبين النشاما يستفزونه = في مدحهم هاجسي يقدح من زنادي
مشاعري لاهل المعروف مرهونه = اقدّر الطيبين ومنهم ازدادي
يزيدني بالشرف من تنهض متونه = راع المواجيب فيه الشعر ينقادي
ابا اشعل الشعر فيه وتصدق ضنونه = اللي يقول القصائد كنها اولادي
كم واحدٍ مات فيه الذكر يحيونه = من طيبه تقدّر عياله والاحفادي
من حبه اللـه عباد اللـه يحبونه = تلقى الجماهير عنده جمع وافرادي
وكم واحدٍ حي لكن ماتت عيونه = مايقدّر المعرفه والملح والزادي
الطيب مثل الحيا المضمين يردونه = تلقى على ديرته قطعان الاذوادي
وإلا الردي كل خلق اللـه يسبونه = مثل الدهر كل شخصٍ عنه شدادي
ومن يفعلون الوفا والطيب يلقونه = يذكربه الحي واللي تحت الالحادي
قلته وغيري كثير اللي يقولونه = استشهد بكلمتي في ذكر الاجوادي
وياهل الشعر ماكتبت اليوم تلقونه = باكر اليا صار لاهل الشعر نقادي
واختامها أجمل تحية ود مقرونه = بالمسك 0 والزعفران 0ونفحة الكادي
******** type="text/**********">doPoem(0)***********جمعان خلف الرشيدي